SAAMUNƆ 125 - Bokobaru Bible

Luda gbɛ̃nↄ kuuna aafia

Gana Yerusalɛmu lɛ̀.

¹ Dii náanɛkɛrinↄↄ dɛ lán Zayↄn kpiii bà, à degena vĩroo, ègↄ̃ kuu gurↄ píngi.

² Lán kpiiinↄↄ ligana Yerusalɛmuzi nà, lɛn Dii ligana a gbɛ̃nↄzi lɛ zaa tia ai gurↄ píngi.

³ Gbɛ̃ zaaanↄ é e wàgↄ̃ kí blee gbɛ̃ maaanↄ bùsun wàgↄ̃ gaaro, lɛ gbɛ̃ maaanↄ tón ↄ da zaakɛnanlo yãnzi.

⁴ Dii, ǹ à maaa kɛ gbɛ̃ maaanↄnɛ, gbɛ̃ kɛ̀ aↄ̃ nↄ̀sɛ puraanↄ.

⁵ Gbɛ̃ kɛ̀ aↄ̃ zɛ́ kotina sɛ̀nↄ sↄ̃, Dii é ń wara kↄ̃n zaakɛrinↄmɛ. Luda Isarailinↄ gba aafia!