SAAMUNƆ 12 - Bokobaru Bible

Gbɛ̃ntee zaakɛɛ

Dauda lɛ̀. Wè sí kↄ̃n mↄrↄlɛnaomɛ.

¹ Ǹ ma mì sí, Dii, zaakɛ gbɛ̃ maa kee kuu dↄro, náanɛdee yã̀a gbɛ̃nteenↄ tɛ́.

² Baade è ɛgɛɛ to a gbɛ̃daaanɛ, è lɛ́nnaa kásańnɛ kↄ̃n nↄ̀sɛo plaa.

³ Dii, ǹ lɛ́nnade lɛ́ kↄ̀ ɛ́ kↄ̃n gbɛ̃ kɛ̀ è a zĩnda sɛ́ lezĩo.

⁴ Aↄ̃è be ń lɛ́ bé eé tó wà zĩ̀ ble, wà ń lɛ́ vĩ, dé bé eé kí bleḿmaa?

⁵ Wɛ́ɛtãna gbɛ̃ busɛnↄa kↄ̃n wɛ̃ndadeenↄ m̀bonao yãnzi Dii bè é fɛɛ sa à ń gba zɛ́bↄkii kɛ̀ aↄ̃ↄe à ni dɛɛ.

⁶ Dii yã see vĩro, à dɛ lán kondogi kɛ̀ wà yↄ̀ tɛ́vura guu wà bàasa gɛ̃̀n swɛɛplaaa bà.

⁷ Mpi Dii, nɛ́gↄ̃ wa dãkpaa gurↄ píngi, nɛ́ wa sí gbɛ̃ beee takanↄa.

⁸ Tó gbɛ̃nↄ yã bɛ̃̀ɛ kũ̀ ↄplaplaa, gbɛ̃ zaaanↄ ègↄ̃ lili oo kↄ̃n ĩadãnao gu píngia.