SAAMUNƆ 116 - Bokobaru Bible

Gbɛ̃ kɛ̀ bↄ̀ gaa lɛ́zĩ Dii sáabukpana

¹ Má ye Diizi, zaakɛ à ma yã mà, à ma wiipɛnaazii mà.

² Mɛ́gↄ̃ à sisii ai ma wɛ̃̀ndi lɛ́n, kɛ̀ à swã kpàmazi yãnzi.

³ Ga bà fĩ̀kãmazi yã, mira wãwãa tↄ̃̀ma, wɛ́ɛtãmma kↄ̃n pↄsiaao dàmala.

⁴ Ben ma Dii sìsi ma bè: Dii, n yã nna, ǹ ma mì sí.

⁵ Dii sùu vĩ bensↄ̃ à maa, wa Ludaa wɛ̃nda vĩ.

⁶ Dii è gbãasaideenↄ dãkpa, kɛ̀ ma busa, à ma mì sì.

⁷ Ma swɛ̃̀, ǹ kɛkɛ ǹ kpáɛ, zaakɛ Dii yã maaa kɛ̀nnɛ.

⁸ Dii, n ma bↄ gaa lɛ́zĩ, n wɛ́ɛ'i gògomɛ, nɛ́ɛ tó ma gɛ̃̀n síro,

⁹ lɛ màgↄ̃ tɛ́ n aɛ gbɛ̃ bɛ̃ɛnↄ kukiia kɛ̀.

¹⁰ Baa kɛ̀ nawɛ̃a tↄ̃̀ma ma gↄ̃ búgubugu, má kpɛ́ à náanɛ vĩ, ben ma yã ò.

¹¹ Ma bídi kɛ̀ ma bè: Gbɛ̃ píngi nɛ́ ɛgɛdeenↄmɛ.

¹² Bↄ́n mɛ́ fĩa boo Diinɛ à maaa kɛ̀ à kɛ̀mɛɛ musu píngii?

¹³ Mɛ́ Dii mìsina togo sɛ́ musu, mɛ́ à sísio.

¹⁴ Mɛ́ lù kɛ̀ má sɛ̀ Diinɛnↄ papa à gbɛ̃nↄ wáa ń píngi.

¹⁵ Dii yãmarinↄ gana bɛ̀ɛ vĩnɛ.

¹⁶ Dii, n yã nna, n zↄ̀blerin ma ũ, nↄgbɛ̃ kɛ̀ à dↄ̀nzi nɛ́n ma ũ, n ma bↄ bàn.

¹⁷ Mɛ́ kɛnnakↄ̃o saa omma, mɛ́ n sísio, Dii.

¹⁸ Mɛ́ lù kɛ̀ má sɛ̀ Diinɛnↄ papa à gbɛ̃nↄ wáa ń píngi

¹⁹ à kpɛ́ ua Yerusalɛmu guu. Aleluya!

Lean sinn:

Ceanglaichean taic

Sanasan