SAAMUNƆ 113 - Bokobaru Bible

Dii táakilɛna

¹ Aleluya! Dii zↄ̀blerinↄ, à à táaki lɛ́, à Dii tↄ́ bↄ!

² Wà Dii sáabu kpá zaa tia ai gurↄ píngi.

³ Wà Dii tↄ́ bↄ zaa ↄfãntɛ̃bↄɛ kpa ai à gɛ̃kpɛn kpaao.

⁴ Dii bíta dɛ bori píngila, à gakui da musula.

⁵ Dé bé à kà Dii wa Luda ũu? À vɛ̃ɛna kpatan zaa musu,

⁶ è wɛ́ɛ zu gĩzĩ à musu kↄ̃n tↄↄtɛo gwa.

⁷ È gbãasaideenↄ bↄ bùsu tɛ́ à ń fɛɛ, è wɛ̃ndadeenↄ bↄ tubura à ń sɛ́ lezĩ.

⁸ È ń da kínɛnↄ tɛ́, borii kɛ̀ à sɛ̀ kínɛnↄ.

⁹ È pãaa kaara a bɛɛn, è à kɛ nɛ́dande pↄnnadee ũ. Aleluya!