SAAMUNƆ 112 - Bokobaru Bible

Gbɛ̃ kɛ̀ Dii vĩa vĩi

¹ Aleluya! Aubarikadeen gbɛ̃ kɛ̀ Dii vĩa vĩi ũ, bensↄ̃ Dii yãdiɛnanↄ è kánɛ maamaa.

² À nɛ́nↄ égↄ̃ gbãadeenↄ ũ ń bùsun, nↄ̀sɛpuradee boriinↄ égↄ̃ dɛ aubarikadeenↄ ũ.

³ Ɔↄ kↄ̃n auzikio di à bɛ, à yãmaakɛna yãana vĩro.

⁴ Baa gusiaan guu è pu gbɛ̃ maaanɛ, nↄ̀sɛpuradee kɛ̀ sùu kↄ̃n wɛ̃ndaao vĩi.

⁵ Gbɛ̃ kɛ̀ è ↄ poro, kɛ̀ è pↄ́ sɛ̃kãńnɛ, bensↄ̃ è yã kɛ a zɛ́a, yã è bↄo nna.

⁶ Pↄ́ke é gbɛ̃ maaa lá ble zikiro, à yã égↄ̃ dↄńgu gurↄ píngi.

⁷ Baaru zaaa è à vĩa kũro, à làakari ègↄ̃ kpaɛna, ègↄ̃ Dii náanɛ vĩ.

⁸ À kù è vĩro, vĩa è à kũro ai à gá à yↄ̃̀gↄ̃ kɛ a ibɛɛnↄa.

⁹ È gba da takaasideenↄnɛ maamaa, à yãmaakɛna yãana vĩro, à gbãaa ègↄ̃ kaara kↄ̃n bɛ̀ɛo.

¹⁰ Gbɛ̃ zaaa è à e à pↄ fɛ̃, è swaa kakũn à naguzi, gbɛ̃ zaaa pↄyezina è kɛ pã.

Lean sinn:

Ceanglaichean taic

Sanasan