SAAMUNƆ 101 - Bokobaru Bible

Kína lɛ́gbɛ̃na Ludanɛ

Dauda lɛ̀.

¹ Mɛ́ lɛ̀ da n gbɛ̃kɛ kↄ̃n yãzɛdeeo musu, mɛ́ lɛ̀ sínnɛ, Dii.

² Mɛ́ làakari kɛ màgↄ̃ kuu taari sai, bↄrɛn nɛ́ mↄ́mazii? Mɛ́gↄ̃ kú ma ua kↄ̃n nↄ̀sɛpuraao,

³ Ma wɛ́ɛ égↄ̃ kú pↄ́ ginaaro, mɛ́ za yãdↄrↄsaikɛnan, eé namaro.

⁴ Ma nↄ̀sɛ égↄ̃ mↄnafiki vĩro, ma bà égↄ̃ kú kↄ̃n yã zaaaoro.

⁵ Mɛ́ gbɛ̃ kɛ̀ è a gbɛ̃daaa yaka à kpɛɛ kaatɛ, mɛ́ sùu fↄ̃ kↄ̃n wadadeenↄ kↄ̃n ĩadãrinↄoro.

⁶ Ma wɛ́ɛ égↄ̃ kú ma bùsu náanɛdeenↄa, lɛ aↄ̃gↄ̃ kúmao, gbɛ̃ kɛ̀ ègↄ̃ kú taari sai égↄ̃ dɛ ma zĩkɛri ũ.

⁷ Mɛ́ we gbɛ̃sãsãri gↄ̃ kú ma bɛro, mɛ́ tó mↄnafikidee zɛ ma aɛro.

⁸ Mɛ́gↄ̃ ma bùsu gbɛ̃ zaaanↄ kaatɛ lán guu e dↄↄ nà, mɛ́gↄ̃ zaakɛrinↄ borii bↄↄ Dii wɛ́tɛ guu.