Bìoball air-loidhne

EBERUNƆ 3 - Bokobaru Bible

Yesu dɛ Musala

¹ Beee yãnzi ma gbɛ̃nↄ, amↄa kɛ̀ Luda a sisi a mↄ a kiianↄ, à laasuu lɛ́ Yesu kɛ̀ Luda à zĩ̀ Sa'oriki kɛ̀ wa zɛo ũua.

² Náanɛdeemɛ Luda kɛ̀ à à dìɛnɛ lán Musa dɛ nà Luda ua guu.

³ Lán uakaɛri bɛ̀ɛ ègↄ̃ dɛ uala nà, lɛn Yesu gakui bíta dɛ Musa pↄ́la lɛ.

⁴ Ua sãnda píngi a kaɛri vĩ, bensↄ̃ pↄ́ sãnda píngi Kaɛrin Luda ũ.

⁵ Luda ua zĩkɛri náanɛdeen Musa ũ, yã kɛ̀ Luda é oo sèedadeemɛ.

⁶ Kirisi sↄ̃ bɛdee pì nɛ́mɛ. Luda a ua nànɛ à ↄzĩ. Wámbe ua pì ũ, tó wá kpɛ́ wée tãmaa kɛ̀ wá vĩ lɛ́ gbɛ̃ɛ kↄ̃n swɛ̃̀o kpáɛna.

Luda gbɛ̃nↄ kámmabokii

⁷ Beee yãnzi lán Luda Ninii ò nà: Tó a Luda kòto mà gbã̀a,

⁸ àton swãgbãaa kɛ lán a dezinↄ kɛ̀ nàro, kɛ̀ aↄ̃ ma lɛ wà ma gwa gurↄↄ kɛ̀ aↄ̃ bↄ̀ ma kpɛɛ gbáan.

⁹ Baa kɛ̀ aↄ̃ ma yãkɛnanↄ è wɛ̃̀ baplaa, aↄ̃ ma lɛ wà ma gwa gwe, aↄ̃ ma gbãa lɛ́ gwà.

¹⁰ Ben ma pↄ fɛ̃̀ gbɛ̃ pìnↄzi, ma bè gbɛ̃ sãsãnanↄn ń ũ, aↄ̃ↄe ma zɛ́nↄ dↄ̃ro.

¹¹ Ben ma la dà ma pↄfɛ̃ guu ma bè, aↄ̃é gɛ̃ ma kámmabokiinlo fá.

¹² Ma gbɛ̃nↄ, à làakari kɛ a gbɛ̃ke tóngↄ̃ swɛ̃̀ zaa ludanaanɛkɛsai vĩ ai à gá kɛ̃o Luda Wɛ̃̀ndidearo.

¹³ Guu kɛ̀ è dↄ kɛ̀ eè be Gbã̀amɛ píngi, àgↄ̃ lɛ́ daakↄ̃a, lɛ durun tón a gbɛ̃ke sãsã à swãgbãa kũro yãnzi.

¹⁴ Kirisi gbɛ̃nↄn wa ũ, tó wá náanɛ kɛ̀ wá vĩ zaa káaku kũna gbãngbãn ai à lɛ́a.

¹⁵ Lán wà ò nà: Tó a à kòto mà gbã̀a, àton swãgbãaa kɛ lán a dezinↄ kɛ̀ nà gurↄↄ kɛ̀ aↄ̃ bↄ̀ ma kpɛɛro.

¹⁶ Dénↄn gbɛ̃ kɛ̀ aↄ̃ Luda kòto mà aↄ̃ bↄ̀ à kpɛɛnↄ ũ, tó èe kɛ gbɛ̃ kɛ̀ Musa ń bↄ́ɛ Igipitinↄ baasiroo?

¹⁷ Dénↄn Luda pↄ fɛ̃̀ńzi ai wɛ̃̀ baplaa, tó èe kɛ gbɛ̃ kɛ̀ aↄ̃ durun kɛ̀, aↄ̃ gɛ̀ gↄ̃̀ kaɛna gbáa guunↄ baasiroo?

¹⁸ Dénↄn à la dàńnɛ kɛ̀ aↄ̃é gɛ̃ a kámmabokiinlo, tó èe kɛ gbɛ̃ kɛ̀ aↄ̃ gì à yã mazinↄ baasiroo?

¹⁹ Wá è kɛ̀ aↄ̃ↄe e wà gɛ̃̀nlo aↄ̃ ludanaanɛkɛsai yãnzi.

Lean sinn:

Ceanglaichean taic

Sanasan