Zoɛl 3 - NYANMIƐN NDƐ'N 1998

Nyanmiɛn Wawɛ'n i balɛ

¹ «Kɛ ɔ ko yo sɔ'n, kpɛkuun n ´fa min Wawɛ'n m ´man sran'm be kwlaa. Amun mma yasua mun, nin amun mma mmla'm be ´ijɔ mín nuan. Amún si ngbɛn-ngbɛn'm be wa wun ninnge mun laliɛ nun. Amun mma gbanflɛn'm be´wun like aolia nun.

² Yɛ cɛn sɔ'm be nun'n, n ´fa n Wawɛ'n m ´man afanniɛn yasua mun nin afanniɛn mmla mun.

³ N ´yo abonuan sa mun nyanmiɛn su lɔ, yɛ n ´yi atrɛ asiɛ'n su wa. Be ´wun mmoja nin sin, ɔ nin sin wɛnsrɛn dan.

⁴ Wia'n ɔ ´kaci ble tuun, yɛ anglo'n kusu ɔ ´blo youun kɛ mmoja sa. I sin nan Anannganman i cɛn dan sroesroe'n ɔ'a ju .

⁵ I blɛ sɔ'n nun'n, sran kwlaa ng'ɔ kpan flɛ Anannganman'n, ɔ ´fite nun. Zerizalɛm nin Siɔn oka'n su lɔ'n, sran wie'm be ´fin sa ng'ɔ ´ju nun ´fite kɛ Anannganman fa kannin'n sa. Be ng'ɔ ´flɛ be'n, be yɛ be ´ka nguan nun sɔ nin-ɔn .»