Neemi 7 - NYANMIƐN NDƐ'N 1998

Klɔ i sasalɛ akunndan

¹ Kɛ talɛ'n wieli bɔ n wlali anuan mun'n, yɛ e fali anuan su nianfuɛ mun, nin jue tofuɛ mun, nin Levifuɛ mun e sieli be junman'n su-ɔ.

² N sieli min niaan Anani ɔ nin Anania Zerizalɛm klɔ'n su kpɛnngbɛn. Anania ti sran kun b'ɔ nanti klanman, yɛ i nyin yi Nyanmiɛn tra sran sunman.

³ N seli be kɛ: «Sɛ wia nian tu-mɛn i bo'n, nán be tike Zerizalɛm klɔ'n i anuan mun. Nnɔsua'n, man be nyin ka nan anuan su nianfuɛ'm b'a jra junman. Man Zerizalɛmfuɛ'm be sasa klɔ'n, be `kacikaci bé wun. Be `siesie wie'm be lika'm be nun, wie'm be kusu be `jranjran be awlo'm be nyrun.»

Zuif nga be sali bé sin'n be bali be mɛn nun'n be dunman mun

⁴ Blɛ sɔ nun'n, Zerizalɛm klɔ'n ti dan, sanngɛ sran'm b'a sɔn-man, yɛ sua sunman ti-man kplanwa.

⁵ Yɛ Nyanmiɛn'n suli min bo kɛ n yia klɔ kpɛnngbɛn mun, nin jɔlɛ difuɛ mun, ɔ nin sran'm be kwlaa nan n ka be. N wunnin fluwa nga be nga be dun mmua bali'n be dunman'n nin be nannan'm be dunman'n wo nun'n. Nga be klɛli i nun'n yɛ.

⁶ Be nga Babilɔnifuɛ'm be famiɛn Nɛbikadnɛzar trali be lomuɛn ɔli'n, be sunman be sali bé sin bali Zerizalɛm annzɛ Zida nvle'n nun. Be ɔli be klɔklɔ nga be fin su'm be su.

⁷ Be nin be nga be o yɛ mun yɛ be ɔli-ɔ: Zorobabɛl, Zozie, Neemi, Azaria, Raamia, Nasamani, Mardose, Bilsan, Misperɛt, Bigvai, Nɛɔm, ɔ nin Baana. Izraɛlfuɛ'm be nun yasua'm be nuan'n yɛ:

⁸ Parɛɔs awlo'n nun sran yasua akpi nnyɔn sran ya kun sran ableso-nin-nnyɔn (2.172),

⁹ Sɛfatia awlo'n nun, sran yasua ya nsan sran ableso-nin-nnyɔn,

¹⁰ Ara awlo'n nun, sran yasua ya nsiɛn sran ablenun-nin-nnyɔn,

¹¹ Zoab nin Zozie be anunman Pasat-Moab i awlo'n nun, sran yasua akpi nnyɔn sran ya mɔcuɛ sran blu-nin-mɔcuɛ (2.818),

¹² Elam awlo'n nun, sran yasua akpi kun sran ya nnyɔn sran ablenun-nin-nnan (2.254),

¹³ Zati awlo'n nun, sran yasua ya mɔcuɛ sran ablanan-nin-nnun,

¹⁴ Zakai awlo'n nun, sran yasua ya nso sran ablesiɛn,

¹⁵ Binii awlo'n nun, sran yasua ya nsiɛn sran ablanan-nin-mɔcuɛ,

¹⁶ Bebai awlo'n nun, sran yasua ya nsiɛn sran ablaɔn-nin-mɔcuɛ,

¹⁷ Azgad awlo'n nun, sran yasua akpi nnyɔn sran ya nsan sran ablaɔn-nin-nnyɔn (2.322),

¹⁸ Adɔnikam awlo'n nun, sran yasua ya nsiɛn sran ablesiɛn-nin-nso,

¹⁹ Bigvai awlo'n nun, sran yasua akpi nnyɔn sran ablesiɛn-nin-nso (2.067),

²⁰ Adɛn awlo'n nun, sran yasua ya nsiɛn sran ablenun-nin-nnun,

²¹ Ezekias i anunman bɔ be flɛ i Atɛr'n i awlo'n nun, sran yasua ablangwlan-nin-mɔcuɛ,

²² Asɔm awlo'n nun, sran yasua ya nsan sran ablaɔn-nin-mɔcuɛ,

²³ Bɛzai awlo'n nun, sran yasua ya nsan sran ablaɔn-nin-nnan,

²⁴ Arif awlo'n nun, sran yasua ya kun sran blu-nin-nnyɔn.

²⁵ Gabaɔn klɔ'n su, sran yasua ablangwlan-nin-nnun.

²⁶ Bɛtleɛm nin Nɛtofa klɔ'n su, sran yasua ya sran ablaɔcuɛ-nin-mɔcuɛ,

²⁷ Anatɔt klɔ'n su, sran yasua ya sran ablaɔn-nin-mɔcuɛ.

²⁸ Bɛt-Azmavɛt klɔ'n su, sran yasua ablanan-nin-nnyɔn,

²⁹ Kirzat-Zearim nin Kɛfira, nin Beerɔt klɔ'n su, sran yasua ya nso sran ablanan-nin-nsan,

³⁰ Rama nin Gɛba klɔ'n su, sran yasua ya nsiɛn sran ablaɔn-nin-kun,

³¹ Mikmas klɔ'n su, sran yasua ya sran ablaɔn-nin-nnyɔn,

³² Betɛl nin Ai klɔ'n su, sran yasua ya sran ablaɔn-nin-nsan,

³³ Nɛbo klɔ'n kun ekun su, sran yasua ablenun-nin-nnyɔn,

³⁴ Elam kun ekun'n i awlo'n nun, sran yasua akpi kun sran ya nnyɔn sran ablenun-nin-nnan (1.254),

³⁵ Arɔm awlo'n nun, sran yasua ya nsan sran ablaɔn,

³⁶ Zeriko klɔ'n su, sran yasua ya nsan sran ablanan-nin-nnun,

³⁷ Lɔd nin Adid, nin Ɔno klɔ'n su, sran yasua ya nso sran ablaɔn-nin-kun,

³⁸ Sɛna klɔ'n su, sran yasua akpi nsan sran ya ngwlan sran ablasan (3.930),

³⁹ Nyanmiɛn nyrun jranfuɛ mun: Zozie i anunman Zɛdaɛza i awlo'n nun, sran yasua ya ngwlan sran ableso-nin-nsan,

⁴⁰ Imɛr awlo'n nun, sran yasua akpi kun sran ablenun-nin-nnyɔn (1.052),

⁴¹ Pasir awlo'n nun, sran yasua akpi kun sran ya nnyɔn sran ablanan-nin-nso (1.247),

⁴² Arɔm awlo'n nun, sran yasua akpi kun sran blu-nin-nso (1.017),

⁴³ Levifuɛ mun: Ɔdavia i anunman Zozie nin Kadmiɛl be awlo'n nun, sran yasua ableso-nin-nnan,

⁴⁴ Jue tofuɛ mun: Azaf i awlo'n nun, sran yasua ya sran ablanan-nin-mɔcuɛ,

⁴⁵ Anuan su nianfuɛ mun: Salɔm, Atɛr, Talmɔn, Akib, Atita, ɔ nin Sɔbai be awlo'n nun, sran yasua ya sran ablasan-nin-mɔcuɛ.

⁴⁶ Nyanmiɛn i sua'n nun junman difuɛ bɔ be lɛ su kpɛn be nannan mun yɛlɛ: Zisa, Azifa, Tabaɔt,

⁴⁷ Kerɔs, Sia, Padɔn,

⁴⁸ Lɛbana, Agaba, Salmai,

⁴⁹ Anan, Gidɛl, Gasar,

⁵⁰ Reaza, Rɛzɛn, Nɛkoda,

⁵¹ Gazam, Iza, Pazeak,

⁵² Bezai, Mɛinim, Nɛfisim,

⁵³ Bakbik, Akifa, Arir,

⁵⁴ Bazlit, Mɛida, Arsa,

⁵⁵ Barkɔs, Sizɛra, Tema,

⁵⁶ Nɛziak, ɔ nin Atifa.

⁵⁷ Salomɔn i sufuɛ'm be nannan mun yɛlɛ Sɔtai, Sɔferɛt, Pɛrida,

⁵⁸ Zaala, Darkɔn, Gidɛl,

⁵⁹ Sɛfatia, Atil, Pɔkerɛt-Azɛbaim, ɔ nin Amɔn.

⁶⁰ Kɛ be kan Nyanmiɛn i sua'n nun junman difuɛ mun nin Salomɔn i sufuɛ mun bo nun'n, be ti sran yasua ya nsan sran ablangwlan-nin-nnyɔn.

⁶¹ Sran wie'm be fin Tɛl-Melak, nin Tɛl-Arsa, nin Kɛrib-Adɔn, ɔ nin Imɛr be bali. B'a kwla kle-man be awlo'n nin be osu'n i kpa nan b'a kwla wun kɛ sakpa be ti Izraɛlfuɛ. Sran sɔ'm be yɛ:

⁶² Dɛlaza i awlofuɛ mun, nin Tɔbiza awlofuɛ mun, yɛ Nɛkoda awlofuɛ mun, be ti sran ya nsiɛn sran ablanan-nin-nnyɔn.

⁶³ Nyanmiɛn nyrun jranfuɛ'm be o nun. Be yɛ: Ɔbaza i awlofuɛ mun, ɔ nin Akɔz i awlofuɛ mun, yɛ Barzilai awlofuɛ mun. Bian kasiɛn nga jali Barzilai b'ɔ ti Galaadfuɛ'n i wa bla'n kun nan b'a fɛ i b'a tɔn i sia mun.

⁶⁴ Be liɛ'n, be kunndɛli be osufuɛ'm bé wun ndɛ'n i fluwa'n lele ngbɛn. Ɔ man be kali be wlɛli i sran ngbɛn'm be nun, b'a man-man be atin kɛ be jran Nyanmiɛn nyrun.

⁶⁵ Siefuɛ'n tannin be kɛ nán be di aliɛ ng'ɔ ti Nyanmiɛn liɛ klonglo'n wie. I waan be minndɛ man Nyanmiɛn nyrun jranfuɛ'n ɔ fa ninnge nga be fa si Nyanmiɛn i klun sa ɔ usa Nyanmiɛn nun ka.

⁶⁶ Izraɛlfuɛ'm be kwlaa be ti sran akpi-akpi ablanan-nin-nnyɔn sran ya nsan sran ablesiɛn (42.360).

⁶⁷ Be sufuɛ bla nin yasua'm be nun-man be nun. Be sufuɛ sɔ'm be ngunmin be ti sran akpi-akpi nso sran ya nsan sran ablasan-nin-nso (7.337). Jue tofuɛ bla nin yasua'm be ti ya nnyɔn sran ablanan-nin-nnun.

⁶⁸ Izraɛlfuɛ'm bé sa nun nnɛn'm be ti nnɛn kpanngɔ ya-nso-ablasan-nin-siɛn, nnɛn bɔ be flɛ i milɛ be ti ya nnyɔn-ablanan-nin-nun,

⁶⁹ Nyɔnngɔnmɛn ya nnan nyɔnngɔnmɛn ablasan-nin-nnun, ɔ nin aflunmun akpi siɛn aflunmun ya nso aflunmun ablaɔn (6.720).

⁷⁰ Awlobo kpɛnngbɛn sunman be mannin like kɛ be `fa di junman'n. Nvle siefuɛ'n mannin sika ɔkwlɛ kpɔlɛ akpi kun, klowa ablenun. Nyanmiɛn nyrun jranfuɛ'm be tralɛ'n ɔ mannin ya nnun ablasan.

⁷¹ Awlobo kpɛnngbɛn'm be mannin sika ɔkwlɛ kpɔlɛ akpi-akpi ablaɔn, ɔ nin jɛtɛ ufue kilo akpi kun kilo ya (1.100).

⁷² Izraɛlfuɛ kun nga'm be mannin sika ɔkwlɛ kpɔlɛ akpi-akpi ablaɔn (20.000), nin jɛtɛ ufue kilo akpi, ɔ nin Nyanmiɛn nyrun jranfuɛ'm be tralɛ ablesiɛn-nin-nso.

⁷³ Nyanmiɛn nyrun jranfuɛ mun, nin Levifuɛ mun, nin anuan su nianfuɛ mun, nin jue tofuɛ mun, ɔ nin Nyanmiɛn i sua'n nun junman difuɛ bɔ be lɛ su kpɛn mun, ɔ nin Izraɛlfuɛ nga mun, be kwlaa be ko trannin klɔ nga be fin su'n be su. Kɛ anglo nso'n ´ju'n, wuun Izraɛlfuɛ'm b'a trantran be klɔ'm be su sɛsɛsɛ.