Jue Mun 98 - NYANMIƐN NDƐ'N 1998

Anannganman ng'ɔ su ba'n i manmanlɛ

¹ An `to jue uflɛ-uflɛ kun manman Anannganman, afin ɔ yoli abonuan sa mun. Ɔ de sran kwlalɛ b'ɔ kwla'n nin i nzuɛn'n b'ɔ nin klɔ sran liɛ'n ti-man kun'n ti.

² Anannganman ɔ'a yi i nglo ɔ'a kle mɛnmɛn'm be kwlaa kɛ ɔ́ ti defuɛ. Ɔ'a yi sa nuan su b'ɔ yo'n i nglo ɔ'a kle be .

³ Izraɛlfuɛ'm be ye b'ɔ yo i cɛn kwlaa nin be nanwlɛ b'ɔ di i tititi'n, i wla a fi-man su le. Kɛ ɔ ´fɛ i asiɛ'n i bue kun su lele b'ɔ ´fa ju i bue kun su lɔ'n, sran'm be kwlaa be wunnin delɛ nga e Nyanmiɛn'n deli ye'n .

⁴ Asiɛ sufuɛ mun, amun kwlaa amun `kpan kekle be yi be aklunjuɛ i nglo be kle Anannganman. Amun `bo sro, an `to jue be mɛnmɛn i.

⁵ An `bo jru be yi Anannganman i ayɛ. Kɛ an ´bo'n, wuun an ´to jue.

⁶ An `bo awɛ mun, amun `fita nnɛn wuɛ'm be nun. An `kpan kekle be manman Anannganman b'ɔ ti famiɛn'n.

⁷ Man jenvie'n ɔ bo, sɛ n ´kwla se'n, man i nun ninnge'n be kwlaa be kpan. Man asiɛ'n nin i sufuɛ'm be kpan wie.

⁸ Sɛ n ´kwla se'n, man nzue ba'm be bo ndɛ, man oka'm be bo sro likawlɛ

⁹ be `manman Anannganman, afin ɔ su ba asiɛ'n sufuɛ'm be jɔlɛ dilɛ. Ɔ wa di mɛn'n i nunfuɛ'm be jɔlɛ nin nanwlɛ. Ɔ wa siesie nvle'm be afiɛn klanman.