Jue Mun 95 - NYANMIƐN NDƐ'N 1998

Anannganman i nyrun balɛ

¹ An `bla man e bo e sro e yi e aklunjuɛ i nglo e kle Anannganman. E `mɛnmɛn i b'ɔ ti yɛbuɛ bɔ e talo i'n, bɔ i ti yɛ e nyan e ti'n.

² E `bla i nyrun lɛ nan e `yi i ayɛ. E `to jue, yɛ e `bo jue tolɛ ninnge mun e `mɛnmɛn i.

³ Afin Anannganman ti Nyanmiɛn kun b'ɔ ti kpli. Ɔ ti famiɛn dan ɔ sie ninnge'n kwlaa.

⁴ Asiɛ'n i bo mmua-mmua lɔ ninnge'm be ti i liɛ, oka'm bé ti su nglo lɔ ninnge'm be ti i liɛ.

⁵ Jenvie'n ti i liɛ, i bɔbɔ yɛ ɔ yili-ɔ. Asiɛ'n kusu ti i liɛ, i bɔbɔ yɛ ɔ boli i-ɔ.

⁶ An `bla wa man e koto, man e koto e ja bue'n su, man e koto e `utu e nyin ase Anannganman b'ɔ yili ye'n i bo.

⁷ Afin i yɛ ɔ ti e Nyanmiɛn nin-ɔn. E ti kɛ i kuku nun nnɛn mun sa, i yɛ ɔ kankan ye-ɔ . Sɛ ndɛkɛn amun ti kɛ ɔ su kan ndɛ'n,

⁸ an `tie, nán an yo nyin kekle i su kɛ amún nannan'm be ko yo i Mɛriba lɔ aawlɛ flɛnnɛn'n nun lɔ i nun bɔ sa wie ko ju Masa lɔ'n sa .

⁹ I waan: «Be kannin min niannin, be kunndɛli mín nuan, kusu kɛ ɔ ´yo sɔ'n, wuun b'a dun mmua b'a wun sa nga n yoli'n.

¹⁰ I sɔ'n ti, min konvi tuli be su lele afuɛ ablanan, ɔ man n seli kɛ: ‹Minniɛn nga b'a mlin mlɔnmlɔnmlɔn. Atin nga n kle be'n be fa-man su.›

¹¹ N fali be wun ya kpa nan m'an ta nda kɛ be su ju-man wunmiɛn delɛ lika nga m'an siesie'n nun lɔ .»