Jue Mun 87 - NYANMIƐN NDƐ'N 1998

Siɔn b'ɔ ti nvle-nvlefuɛ'm be kwlaa be mɛn'n

1 Jue nga ti Kɔre i sran'm be liɛ.

¹ Jue nga ti Kɔre i sran'm be liɛ. Be waan: Zerizalɛm'n taka Nyanmiɛn i oka'm be su.

² Anannganman i klɔ bɔ yɛlɛ Zerizalɛm klɔ'n, ɔ klo i tra Zakɔb i lika'm be kwlakwla.

³ Ndɛ nga be kannin be'n, Nyanmiɛn i klɔ i wun ndɛ nga be kannin'n, be ti anyrunnyan ndɛ.

⁴ «Sɛ be ´kan be bɔ be si kɛ n ti Nyanmiɛn'n be ndɛ'n, be ´bo Eziptfuɛ mun, nin Babilɔnifuɛ mun be dunman. Sɛ be ´kan Filistifuɛ mun nin Tirfuɛ mun, ɔ nin Etiopifuɛ mun be ndɛ'n, nga be ´kan'n yɛlɛ kɛ be awuliɛ klɔ'n yɛlɛ Filisti, nin Tir, ɔ nin Etiopi.»

⁵ Sanngɛ Siɔn liɛ'n, be ´se kɛ: «Sran sɔ'm be kwlaa bé ti nin bé bo'n, yɛlɛ lɛ.» Nyanmiɛn bɔ like fi nun-mɛn i sin'n, i yɛ ɔ wlali Siɔn klɔ sɔ'n i ase-ɔ.

⁶ Kɛ Anannganman ´ka nvle'm be su sran mun'n, wuun ɔ ´klɛ be dunman'm be nyrun lɛ kɛ be awuliɛ klɔ'n yɛlɛ Siɔn.

⁷ Jue tofuɛ mun nin able sifuɛ'm be bo gua klɔ sɔ'n i wun.