Jue Mun 8 - NYANMIƐN NDƐ'N 1998

Anannganman i anyrunnyan ng'ɔ lɛ i'n

1 Jue nga ti David liɛ. Ɔ o jue tofuɛ'm be su kpɛn'n i fluwa'm be nun wie. I waan sɛ be ´to'n, be `bo jru nga be yo be Gat lɔ'n wie.

¹ Jue nga ti David liɛ. Ɔ o jue tofuɛ'm be su kpɛn'n i fluwa'm be nun wie. I waan sɛ be ´to'n, be `bo jru nga be yo be Gat lɔ'n wie. I waan:

² Anannganman e Min, ɔ dunman'n ɔ yo nyɛnmɛn asiɛ wunmuan'n su! Ɔ nyrun bɔ a lɛ i'n i dan'n ɔ fu tra nyanmiɛn b'ɔ la nglo lɔ plaii'n su.

³ A fa ba kanngan mun nin ba nɔnman'm be nɛn'n yɛ a fa yi ɔ́ wun nglo nyannyannyan-an. A yo man ɔ kpɔfuɛ'm bé nyin gua ase, kpɛkuun be nin be nga be waan be ´tu be klunngbɔ'n be kwla-man bé wun keje kun mlɔnmlɔn .

⁴ Kɛ n nian nglo lɔ ninnge bɔ a yili be'n, kɛ n nian anglo nin nzraama bɔ a sieli be lɔ'n,

⁵ n usa min wun kɛ: ?Wan yɛlɛ sran bɔ man ɔ wla ko kpɛn i su-ɔ? ?Wan yɛlɛ klɔ sran bɔ man i ndɛ ko lo wɔ sɔ-ɔ?

⁶ I yilɛ wafa bɔ a fa yili i'n, ɔ ka kan nan ɔ nin anz mun b'a sɛ. A yoli man ɔ nyannin tinmin, yɛ i nyrun ba nyan.

⁷ A fali ninnge nga a yili be'n a fa mɛnnin i kɛ ɔ sie be. A fɛ sie like'n kwlaa su .

⁸ Bua mun o, boli mun o, nannin mun o, bo nun nnɛn'm be kwlakwla,

⁹ anunman mun o, jue mun o, jenvie nun nnɛn'm be wafa-wafa'n kwlakwla, ɔ lɛ-man kun, be kwlaa bé ti o i bo.

¹⁰ Anannganman e Min, ɔ dunman'n yo nyɛnmɛn asiɛ wunmuan'n su.