Jue Mun 77 - NYANMIƐN NDƐ'N 1998

Nyrɛnnɛn nun bé wla b'ɔ kpɛn sa kpakpa laa'm be su'n

1 Jue nga ti Azaf liɛ. Ɔ o Zɛditɛn nin jue tofuɛ'm be su kpɛn'm be fluwa'm be nun wie.

¹ Jue nga ti Azaf liɛ. Ɔ o Zɛditɛn nin jue tofuɛ'm be su kpɛn'm be fluwa'm be nun wie. I waan:

² M ´man min nɛn'n su nan ɔ ´to Nyanmiɛn'n lɔ. M ´man min aniɛn'n su nan ɔ to Nyanmiɛn'n lɔ nan ɔ sie i su.

³ Kɛ sa'n ko tɔ mín su'n, m mantan min Min'n. Kɔnguɛ m man mín sa'n su nglo n kɛn-mɛn i ase le. N kplin-man su kɛ be fɔnvɔ min.

⁴ Kɛ Nyanmiɛn i akunndan ko kpɛn mín klun'n, ɔ kle min fɛfɛlɛ. Kɛ m bu akunndan'n, kpɛkuun min wun glɔ min kplɛkɛɛ.

⁵ Wɔ man m muan min nyinma-a ɔ yo-man ye. Min akunndan ɔ'a sanngan, n si-man ndɛ nga n ´kan-an.

⁶ Mín nyin kpɛn min laa nun, min nyin kpɛn afuɛ laa'm be su.

⁷ Jue nga n to'n, ɔ kpɛn min klun kɔnguɛ. M bu akunndan, min waan n ´kunndɛ kɛ n ´wun sa'm be wlɛ.

⁸ N usa kɛ: ?Nan Anannganman ´yi e blo sa mlɔnmlɔn? ?Ɔ su yo-man e ye kun?

⁹ ?I klun-ufue'n i wielɛ yɛ ɔ'a wie mlɔnmlɔn lɛ-ɔ? ?Ndɛ ng'ɔ ko kan'n yɛ ɔ'a wie i kan lɛ-ɔ?

¹⁰ ?Nyanmiɛn i wla fi aunnvuɛ silɛ'n? ?Ya bɔ ɔ'a fa'n ti, ɔ si-man aunnvuɛ kun?

¹¹ Ɔ man n se min wun kɛ: «Nga b'ɔ yo min ya'n yɛlɛ like bɔ Nyanmiɛn b'ɔ like fi nun-mɛn i sin'n ɔ yo-man man-man e kun'n.»

¹² Min Min, min nyin kpɛn sa nga a yoli be laa'n be su. Mín nyin kpɛn abonuan sa nga a yoli be laa'n be su.

¹³ M bu sa nga a yoli'n be kwlaa be akunndan. M bu sa dandan nga a yoli'n be akunndan.

¹⁴ Nyanmiɛn, like nga a yo'n be ti saun. ?Like onin cɛ yɛ ɔ nin wɔ sɛ-ɔ?

¹⁵ Nyanmiɛn, wɔ yɛ a yo abonuan sa mun-ɔn. A kleli nvle kun nga'm be kɛ a kwla.

¹⁶ Ɔ fanngan'n ti a deli ɔ nvle'n bɔ yɛlɛ Zakɔb nin Zozɛf be osu'n.

¹⁷ Nyanmiɛn, sɛ nzue ng'ɔ o nzue ba'm be nun nin jenvie nun ti sran'n, wuun n ´se kɛ ɔ wunnin wɔ. Kɛ ɔ wunnin wɔ sa cɛ'n, ɔ wunnin sa kplɔkplɔkplɔ, ɔ kejeli lele juli i bo lɔ.

¹⁸ Nzue b'ɔ mlannin'n, ɔ utuli kɛ likɛ. Kɛ ɔ ´yo sɔ'n, wuun nyanmiɛn'n ɔ ´kpla, wuun ɔ ´kpa sin.

¹⁹ Kɛ nyanmiɛn'n ´bo nun'n, wuun ɔ ´bo mianmian ´kpaja lika'n nun. Srɛ kunnin mɛn'n nunfuɛ mun kpo, be lɛ usulɛ.

²⁰ A kpɛ wɔ atin'n jenvie'n nun. A yili wɔ sinwlɛ'n nzue dan'n nun. Sanngɛ b'a wun-man ɔ osu.

²¹ Wɔ man Moiz nin Aarɔn be kankannin ɔ nvle'n kɛ be fa kankan bua mun'n sa.