Jue Mun 70 - NYANMIƐN NDƐ'N 1998

Sran oke'n i Nyanmiɛn i sun flɛlɛ

1 Jue nga ti David liɛ. Ɔ o jue tofuɛ'm be su kpɛn'n i fluwa'm be nun wie. Be to jue sɔ'n nan be wla kpɛn Nyanmiɛn su.

¹ Jue nga ti David liɛ. Ɔ o jue tofuɛ'm be su kpɛn'n i fluwa'm be nun wie. Be to jue sɔ'n nan be wla kpɛn Nyanmiɛn su. I waan:

² Ee Nyanmiɛn, bla wa de min. Anannganman, kan ɔ́ wun bla wa uka min.

³ Be bɔ be kunndɛ kɛ n wu'n, man nyannzuɛn'n yɛ ɔ kun be sa mlɔnmlɔnmlɔn-ɔn. Kɛ n ´wun nyrɛnnɛn'n, be bɔ be sri min'n, man kɛ be sa bé sin be kɔ'n bé nyin gua ase.

⁴ Man be bɔ srilɛ'n yɛ be sri min'n, be fa be nyrun nyannzuɛn'n be wɔ.

⁵ Sanngɛ man be bɔ be mantan wɔ'n be tu kpɛn, man be klun jɔ ɔ dunman nun. Man be nga be klo wɔ bɔ a de sran'n, be `kɛn i titi kɛ: «Nyanmiɛn ti dan o!»

⁶ N ti min liɛ nyrɛnnɛnfuɛ, yɛ n ti yalɛfuɛ. Ee Nyanmiɛn, kan ɔ́ wun bla mín wun. Min ukafuɛ nin min sasafuɛ kunngba nga n lɛ i'n yɛlɛ wɔ. Anannganman, nán sisi ɔ bo, bla.