Jue Mun 67 - NYANMIƐN NDƐ'N 1998

Man sran'm be kwlaa be manman Nyanmiɛn

1 Be kpɛli jue nga be fa mannin jue tofuɛ'm be su kpɛn'n. Kɛ be ´to'n, be bo like b'ɔ ti kɛ jru sa'n wie.

¹ Be kpɛli jue nga be fa mannin jue tofuɛ'm be su kpɛn'n. Kɛ be ´to'n, be bo like b'ɔ ti kɛ jru sa'n wie. Jue sɔ'n ɔ se kɛ:

² Ee Nyanmiɛn, si ye aunnvuɛ, yo é wun sa ye. Nian e nyrun

³ kɛ ɔ ´yo nan mɛn'n nunfuɛ'm b'a wun atin bɔ be fa kɔ ɔ́ sin'n ti, yɛ kɛ ɔ ´yo nan mɛnmɛn'm be nunfuɛ mun kwlaa b'a si kɛ wɔ yɛ a de sran mun'n ti.

⁴ Ee Nyanmiɛn, man sran'm be manman wɔ, man nvle'm be nunfuɛ'm be kwlaa be manman wɔ.

⁵ Mɛnmɛn'm be nunfuɛ'm be klun ti jɔwa, be bo sro, afin a di be jɔlɛ mun nin nanwlɛ, yɛ a kle be atin.

⁶ Ee Nyanmiɛn, sran'm be manman wɔ, nvle'm be nunfuɛ'm be kwlaa be manman wɔ.

⁷ Fie'm bé su ninnge'm be yoli kpa, Nyanmiɛn b'ɔ ti e Nyanmiɛn'n, ɔ yo é wun sa ye.

⁸ Nanwlɛ, Nyanmiɛn yo é wun sa ye. Yɛ be nga be wo asiɛ'n i awieliɛ lɔ'n be kwlaa, bé nyin yi i.