Jue Mun 66 - NYANMIƐN NDƐ'N 1998

Nyanmiɛn b'ɔ de sran'n i manmanlɛ

1 Jue nga ti David liɛ. Ɔ o jue tofuɛ'm be su kpɛn'n i fluwa'm be nun wie.

¹ Jue nga ti David liɛ. Ɔ o jue tofuɛ'm be su kpɛn'n i fluwa'm be nun wie. I waan: Asiɛ wunmuan'n sufuɛ mun, an `manman Nyanmiɛn.

² Amun `to jue be bo flɛ i i nyrun nyannyan'n ti. Amun `sro jue be `mɛnmɛn i.

³ Amun `se i kɛ: «Nanwlɛ, ninnge nga a yo be'n be ti abonuan. Kɛ ɔ kpɔfuɛ'm be wun kɛ a kwla sakpa'n, be kwla tu-man bé wun kun.

⁴ Asiɛ wunmuan'n sufuɛ'm be koto ɔ bo, be to jue be bo flɛ wɔ. Sakpa, be to jue be bo flɛ wɔ.»

⁵ Amun `bla be wa nian Nyanmiɛn i sa nuan ninnge mun. Ninnge sɔ'm be bo sran'm be nuan.

⁶ Ɔ yoli man jenvie'n i lika'n wie kacili asiɛ kee. Be nanti be ja nun yɛ be kpɛ nzue ba nin-ɔn. Amun man é wun kpaja ye sa dan sɔ'n ti.

⁷ Ɔ kwla tititi, ɔ nian mɛn'n nunfuɛ'm bé su. Nán man nyin keklefuɛ'm be yo bé wun kpakpa.

⁸ Sran mun, amun `yo e Nyanmiɛn'n i kwla, amun `man amun nɛn'n su be mɛnmɛn i.

⁹ Ɔ man e nguan, ɔ yo man e ja'n kpla-man.

¹⁰ Ee Nyanmiɛn, a niannin e klun lɔ akunndan'n! A sali ye niannin, a yoli ye kɛ jɛtɛ ufue bɔ be tɔn bɔ i nun fiɛn'n fite'n sa.

¹¹ Wɔ man afɛ tɔli ye su, wɔ man nyrɛnnɛn dan tɔli ye su,

¹² wɔ man sran'm be kwlali ye, e sinnin sin nin nzue nun. Sanngɛ w'a yi ye be nun a fite, wɔ man y'a di alaje.

^13-14 N ´wlu ɔ sua'n nun n ´ko yi tɛ nga be yra be nnɛn'n kɔlikɔli'n i wie m ´man wɔ n ´fa yia fualɛ nga n fua kleli wɔ'n i nun bɔ n wo nyrɛnnɛn nun'n i nuan.

¹⁵ N ´fa nnɛn nga b'a lo kpa'n be wie n ´yi tɛ nga be yra be nnɛn'n kɔlikɔli'n m ´man wɔ. N ´fa bua nene wie mun nin ansans m ´man wɔ. Yɛ n ´fa nannin nin boli kpakpuɛ wie mun n ´yi tɛ ekun m ´man wɔ.

¹⁶ Amun kwlaa nga amun nyin yi Nyanmiɛn'n, amun `bla, an `sie amún su amún tie, n ´kan sa nga ɔ'a yo ɔ'a man min'n n ´kle amun.

¹⁷ N kpan flɛli i kɛ ɔ wa uka min, yɛ m mɛnmɛnnin i.

¹⁸ Sɛ n fa sa tɛ n fiali min anwlɛn nun'n, wuun min Min'n ɔ'a tie-man min srɛwa'n .

¹⁹ Sanngɛ amun `nian, Nyanmiɛn tieli min flɛlɛ'n, ɔ sieli i su min srɛlɛ'n bo.

²⁰ N ´la Nyanmiɛn ase! Ɔ'a to-man min srɛlɛ'n ɔ'a yi-mɛn i blo. I aklunye'n ti ɔ niannin min lika.