Jue Mun 62 - NYANMIƐN NDƐ'N 1998

Nyanmiɛn i mantanlɛ'n man bé wla gua ase

1 Jue nga ti David liɛ. Ɔ o Zɛditɛn nin jue tofuɛ'm be su kpɛn'n i fluwa'm be nun wie.

¹ Jue nga ti David liɛ. Ɔ o Zɛditɛn nin jue tofuɛ'm be su kpɛn'n i fluwa'm be nun wie. I waan:

² Nanwlɛ, Nyanmiɛn kunngba yɛ man mín wla'n kwla gua ase-ɔ, sɛ n ´nyan mín ti-ɔ, ɔ fin i.

³ Nanwlɛ, i kunngba yɛ ɔ ti kɛ min yɛbuɛ sa yɛ n talo i-ɔ. I yɛ man n nyan min ti-ɔ. Ɔ ti min fiawlɛ sua, ɔ man srɛ kun-man min yɛ min wun usu-usu-man min bɔ kaan sa.

⁴ ?Cɛn onin ko nan amu'an yaci sran su ju gualɛ kɛ amun ´kunndɛ kun i'n? Amun yo i kɛ talɛ wie bɔ ɔ'a cia annzɛ kɛ awa wie b'ɔ ti yɛkɛyɛkɛ bɔ be su bé bo yi'n sa.

⁵ Amun akunndan liɛ kunngba ng'ɔ o amún ti nun'n yɛlɛ kɛ amun ´yo nan sran sɔ'n ɔ tɔ nan nán man ɔ nyan nyrun kun. Ato bualɛ'n yɛ ɔ ti amun junman yɛ amun di-ɔ. Amun yra amún nuan man sran amún nuan bui su, yɛ amun bo i sannzan amun klun lɔ.

⁶ Nanwlɛ, Nyanmiɛn kunngba yɛ n kɔ i sin-ɔn, yɛ min wla'n ɔ ´gua ase-ɔ. Afin sɛ n ´nyan like n ´fa min wla'n n gua su'n, ɔ fin i.

⁷ Nanwlɛ, i kunngba yɛ ɔ ti kɛ min yɛbuɛ sa yɛ n talo i-ɔ. I yɛ man n nyan min ti-ɔ. Ɔ ti min fiawlɛ sua, ɔ man srɛ kun-man min yɛ min wun usu-usu-man min.

⁸ Sɛ n ´nyan mín ti o, sɛ n ´nyan nyrun o, ɔ fin i. Ɔ ti kɛ yɛbuɛ sa i yɛ n talo i-ɔ, ɔ sasa min. Ɔ ti min fiawlɛ.

⁹ Sran mun, amun `fa amún wun wlɛ i sa nun tititi. Like ng'ɔ mian amún sa'n, amun `kan kle i. Ɔ ti e fiawlɛ.

¹⁰ Klɔ sran'm be lɛ-man nyrun, be ti kɛ aunngban sa. Sran kpakpa mun bɔbɔ be yo-man sa fi ye. Sɛ be sie be kwlakwla toe su'n, be nɔnnin'n ngba ti kɛ kpukpuwa sa.

¹¹ Nán amun fa bé wla gua sa kekleekle'm bé yolɛ'n su. Ninnge nga be fɛ i be wue kekle su'n, nán amun sunnzun kɛ amun ´nyan like nun. Kannzɛ amun nyan amún wun kɔ amun nyrun'n, nán amun fɛ i sɔ'n cici amun wla.

¹² Nyanmiɛn ɔ'a kɛn i kpalɛ b'ɔ tra nnyɔn bɔbɔ m'an ti. I waan: «Wunmiɛn'n ɔ ti n kunngba n liɛ.»

¹³ Min Min, klun-ufue'n kusu ti ɔ liɛ ekun, afin like nga sran kun yo'n i nuan like yɛ a fa mɛn i-ɔ .