Jue Mun 57 - NYANMIƐN NDƐ'N 1998

Nyanmiɛn bɔ like fi nun-mɛn i sin'n i kpan flɛlɛ

1 Jue nga ti David liɛ. Ɔ o jue tofuɛ'm be su kpɛn'n i fluwa'm be nun wie. Jue'n bɔ be to i kɛ «Nán yaci i lɛ man ɔ saci like'n,» i wafa kunngba'n su yɛ be `nian be fa to-ɔ. Ɔ kan David i wanndilɛ b'ɔ wanndili Sail nyrun'n, b'ɔ ko fiali yɛbuɛ buɛ nun'n i ndɛ .

¹ Jue nga ti David liɛ. Ɔ o jue tofuɛ'm be su kpɛn'n i fluwa'm be nun wie. Jue'n bɔ be to i kɛ «Nán yaci i lɛ man ɔ saci like'n,» i wafa kunngba'n su yɛ be `nian be fa to-ɔ. Ɔ kan David i wanndilɛ b'ɔ wanndili Sail nyrun'n, b'ɔ ko fiali yɛbuɛ buɛ nun'n i ndɛ . I waan:

² Ee Nyanmiɛn, si min aunnvuɛ o, si min aunnvuɛ. Ɔ sin yɛ n fia-a. N ´fia ɔ ndɛwa'n bo lele san min afuɛ'n ɔ'a wie.

³ Nyanmiɛn bɔ like fi nun-mɛn i sin'n, b'ɔ yo like'n kwlaa kpa man min'n, i yɛ n kpan n flɛ i-ɔ.

⁴ Kɛ ɔ o nglo lɔ'n, ɔ wa uka min. Ɔ wa yo man sran ng'ɔ su min su nin ndɛnngan'n ɔ ´wun nyannzuɛn. Man ɔ yi i klun-ufue b'ɔ wie-man'n i nglo kle min.

⁵ Be bɔ n wo be afiɛn'n be ti kɛ asɔmɔli bɔ be di sran'n sa. Be je'n ti kɛ cua nin ta mma sa. Be nuan'n ti kɛ kue nnana sa.

⁶ Ee Nyanmiɛn, a ti dan tra nyanmiɛn b'ɔ la nglo lɔ plaii yɛ'n. Yi ɔ dan sɔ'n bɔ a ti'n i nglo. Man ɔ nyrun nyannyan'n ɔ kpaja asiɛ wunmuan'n su.

⁷ Be guali min wun tɛ, be waan be ´bu min kɔmin. Be kpɛli min bo kunman, sanngɛ be bɔbɔ be tɔli nun.

⁸ Ee Nyanmiɛn, mín wla ɔ'a gua ase o, min wla ɔ'a gua ase. N ´to jue, n ´to jue m manman wɔ.

⁹ N ´jaso, n ´fa min sanngo nin min jru'n! N ´tinnge aliɛ njɛnniɛn su!

¹⁰ Min Min, m ´bo n ´flɛ wɔ sran'm be afiɛn! N ´to jue n ´yi wɔ ayɛ mɛnmɛn nunfuɛ'm be nyrun.

¹¹ Anannganman, ɔ klun-ufue'n ti dan lele kpe nun. I kunngba'n, a ti nanwlɛfuɛ dan.

¹² Ee Nyanmiɛn, a ti dan tra nyanmiɛn b'ɔ la nglo lɔ plaii yɛ'n. Yi ɔ dan sɔ bɔ a ti'n i nglo. Man ɔ nyrun nyannyan'n ɔ kpaja asiɛ wunmuan'n su.