Jue Mun 52 - NYANMIƐN NDƐ'N 1998

Sran ng'ɔ fɛ i wla guɛ i i anyanbeun'n i su'n

1-2 Jue nga ti David liɛ. Ɔ o jue tofuɛ'm be su kpɛn'n i fluwa'm be nun wie. Dɔɛg b'ɔ fin Edɔm'n , i kɔlɛ b'ɔ ɔli ko seli Sail kɛ: « David ɔli Asimelɛk wun lɔ'n,» i su jue-ɔ.

^1-2 Jue nga ti David liɛ. Ɔ o jue tofuɛ'm be su kpɛn'n i fluwa'm be nun wie. Dɔɛg b'ɔ fin Edɔm'n, i kɔlɛ b'ɔ ɔli ko seli Sail kɛ: « David ɔli Asimelɛk wun lɔ'n,» i su jue-ɔ. I waan:

³ ?Sran'm be su tinfuɛ kpli, sa tɛ bɔ a yoli'n ti yɛ a di ɔ nuan-an? Nyanmiɛn i klun-ufue'n lɛ-man awieliɛ.

⁴ Gblɛfuɛ tɛ, ɔ nuan b'ɔ ti kɛ laliɛ lɛman sa'n, yɛ a fa siesie sa tɛ yolɛ'n cɛn kwlaa a sin-ɔn.

⁵ A klo sa tɛ'n tra sa kpa'n. A klo ato'n tra nanwlɛ'n.

⁶ Gblɛ kpɛfuɛ dan, ndɛ ng'ɔ saci like'n yɛ a kpa kan-an.

⁷ Nga, Nyanmiɛn ´nunkun wɔ mlɔnmlɔnmlɔn. Ɔ ´fuan wɔ wɔ awlo'n nun, ɔ ´yi wɔ mɛn nga e o nun yɛ'n nun.

⁸ Kɛ Nyanmiɛn sufuɛ nanwlɛfuɛ'm be wun i sɔ'n, be nuan'n ´bo bé wun. Be ´sri yɛ be ´se kɛ:

⁹ «Sran b'ɔ talo-man Nyanmiɛn'n, b'ɔ fɛ i wla'n guɛ i anyanbeun dan'n nin gblɛ b'ɔ si i kpɛ'n su'n, niɛn i yolɛ bɔ ɔ'a yo'n yɛ.»

¹⁰ N wo min liɛ Nyanmiɛn i sua'n nun. N ti kɛ olivie bɔ nnya o su'n sa. Nyanmiɛn i klun-ufue'n su yɛ n lafi tititi-ɔ.

¹¹ Ee Nyanmiɛn, sa nga a yo'n ti n yaci-man wɔ manmanlɛ le. Ɔ su yɛ mín wla'n ɔ wo-ɔ, afin a yo ɔ sufuɛ nanwlɛfuɛ'm be kpa.