Jue Mun 5 - NYANMIƐN NDƐ'N 1998

Sran ng'ɔ fɛ i wla gua Anannganman su'n i srɛlɛ

1 Jue nga ti David liɛ. Ɔ o jue tofuɛ'm be su kpɛn'n i fluwa'm be nun wie. Kɛ be ´to'n, be bo blo.

¹ Jue nga ti David liɛ. Ɔ o jue tofuɛ'm be su kpɛn'n i fluwa'm be nun wie. Kɛ be ´to'n, be bo blo. I waan:

² Anannganman, tie ndɛ bɔ n kan'n, nian kplinlɛ bɔ n su kplin-ɔn.

³ Min famiɛn, min Nyanmiɛn, sie ɔ́ su tie flɛlɛ bɔ n flɛ wɔ'n, afin wɔ yɛ n srɛ wɔ-ɔ.

⁴ Anannganman, nglɛmun ndɛ'n, tie min aniɛn'n. Kɛ aliɛ'n cɛn cɛ'n, n wo ɔ nyrun lɛ m minndɛ.

⁵ A ti Nyanmiɛn kun bɔ sa tɛ'n ɔ ti-man ngowa like ɔ nyrun. A nin klunwifuɛ'n amun kwla sɔn-man.

⁶ Wun tufuɛ'm be kwla ko jran-man ɔ nyrun. Ɔ nyin ci be bɔ be yo sa tɛtɛ mun.

⁷ A nunnun ato buafuɛ mun. Anannganman waan nán i nyinma wun sran kunfuɛ mun nin ndrunmun difuɛ mun.

⁸ Sanngɛ n liɛ'n, a si min aunnvuɛ dan, i ti n wlu ɔ́ sua'n nun. N koto ɔ́ lika kpa'n i ndɛnman su nin ainyiɛ.

⁹ Anannganman! A ti Nyanmiɛn bɔ a ti nanwlɛfuɛ, kle min atin'n. Min kpɔfuɛ'm be ti, siesie atin nga a klo kɛ n fa su'n man min.

¹⁰ Bé nuan nun ndɛ'n, be lafi su-ɔ, ɔ yo-man ye. Akunndan kunngba bɔ be bu'n, yɛlɛ sran'm be sa yolɛ. Be fa bé nuan be laka sran mun. Be nuan nun ndɛ'n ti kɛ duwlɛ sa .

¹¹ Nyanmiɛn, bu be fɔ! Man min wun ndɛ nga be cici i lɛ'n ɔ ´kaci gua be bɔbɔ be su! Sa tɛ nga be yo'n ɔ sɔnnin ngboko, kan be bo! Afin be jaso ɔ́ wun.

¹² Sanngɛ be bɔ be talo wɔ'n, man aklunjuɛ yɛ be `di-ɔ. Man be klun jɔ tititi, sasa be. Be bɔ be klo wɔ'n, ɔ dunman nun man be bo sro.

¹³ Anannganman, a yo sran kpa'm be ye. Ɔ klun ufue'n ti, a sasa e kɛ nyrɛn sa.