Jue Mun 3 - NYANMIƐN NDƐ'N 1998

Anannganman i kpan flɛlɛ jue

1 Jue nga ti David liɛ. Ɔ kan David i wanndilɛ b'ɔ wanndili i wa Absalɔm i nyrun'n i ndɛ.

¹ Jue nga ti David liɛ. Ɔ kan David i wanndilɛ b'ɔ wanndili i wa Absalɔm i nyrun'n i ndɛ. I waan:

² Ee! Anannganman, min kpɔfuɛ'm be sɔnnin o! Be nga be jaso mín wun'n, be di-man be yalɛ!

³ Sran kpanngban be kan min wun ndɛ se kɛ: «Nga, Nyanmiɛn su de-mɛn i!»

⁴ Sanngɛ Anannganman, a sasa min kɛ nyrɛn sa. A man min anyrunnyan, a yo man n kwla man mín ti'n su.

⁵ Kɛ n kpan flɛ Anannganman'n, ɔ jrɛn i oka'n su lɔ ɔ tɛ mín su.

⁶ N la n lafi cɛ, kpɛkuun n tinnge, afin Anannganman suan mín bo.

⁷ Sran akpi-akpi nga be bo sin yia min'n, n sro-man be.

⁸ Anannganman, jaso! Min Nyanmiɛn, de min! A fin min kpɔfuɛ'm bé nuan'n su. A bubu klunwifuɛ'm be je'n.

⁹ Anannganman, delɛ'n fin wɔ. Yra ɔ nvlefuɛ'm be nguan.