Biblia Todo Logo
Bìoball air-loidhne

- Sanasan -

Jue Mun 28 - NYANMIƐN NDƐ'N 1998


N lafi Anannganman su, i kusu uka min
1 Jue nga ti David liɛ.

1 Jue nga ti David liɛ. I waan: Anannganman, wɔ yɛ n kpan flɛ wɔ-ɔ. Nán bu ɔ su nun waka. A ti kɛ yɛbuɛ sa, n talo wɔ. Sɛ n flɛ wɔ nan a tɛ-man min su'n, wuun min liɛ ɔ'a wie.

2 Kɛ n kpan n flɛ wɔ'n, tie min aunnvuɛ srɛlɛ'n. Kɛ n tinngɛ mín sa ɔ lika nga a tran nun'n i ndɛnman bɔ n srɛ wɔ'n, tɛ min srɛlɛ'n su.

3 Nán fa sa nga a fa yo sa tɛ yofuɛ mun'n fa yo min wie. Bé nuan nun'n ti nɛnkɛn-nɛnkɛn, kusu wuun gblɛ'n ɔ'a yi be piɛ.

4 Nian sa tɛ nin gblɛ sa nga be yo be'n su tannin be kalɛ. Like tɛtɛ nga be fa bé sa be yo'n, tuɛ i kalɛ man be. Man sa tɛ nga be gugu'n ɔ kaci tɔ be bɔbɔ be su .

5 Afin like nga Anannganman yo be'n, be bu-man be akunndan. Man i kusu yi be ase, nán be kwla jaso kun.

6 N ´la Anannganman i ase yɛlɛ kɛ ɔ tili min aunnvuɛ sunlɛ'n.

7 Ɔ man min wunmiɛn, yɛ ɔ sasa min. N fa min wun n wlɛ i sa nun, kpɛkuun i kusu uka min. Ɔ man min klun jɔ yɛ n to jue n fa mɛnmɛn i.

8 Anannganman yɛ ɔ man i nvlefuɛ'm be wunmiɛn-ɔn. Ɔ ti famiɛn ng'ɔ sieli'n i fiawlɛ, sɛ ɔ ´nyɛn i ti'n, ɔ fin i.

9 Anannganman, de ɔ nvle'n nunfuɛ mun, ɔ liɛ yɛlɛ be, yo be ye. Be ti kɛ ɔ bua mun sa, nian be lika blɛ'n kwlaa nun.

Baoulé Bible © Alliance Biblique de Côte d'Ivoire, 1998. 

Bible Society of Côte d'Ivoire
Lean sinn:



Sanasan