Jue Mun 150 - NYANMIƐN NDƐ'N 1998

An `yi Anannganman i ayɛ

¹ An `manman Anannganman! An `manman Nyanmiɛn i bɔbɔ i sua'n nun! An `mɛnmɛn i nyanmiɛn su lɔ kan ɔ yi i kwlalɛ b'ɔ kwla'n i nglo lɔ'n!

² An `mɛnmɛn i i sa dandan b'ɔ yo be'n be ti! An `mɛnmɛn i i dan b'ɔ lɛ-man wunsu'n ti!

³ An `fita nnɛn wɛ nun be fa mɛnmɛn i. An `bo sanngo nin jru be fa mɛnmɛn i.

⁴ An `bo klɛn be fa si able be mɛnmɛn i. An `bo aluku nin blo be fa mɛnmɛn i.

⁵ An `bo aaba ndɛ ng'ɔ tɛ kpa'n be fa mɛnmɛn i. An `bo aaba ndɛ ng'ɔ tɛ gblaungblaun kpa'n be fa mɛnmɛn i.

⁶ Man ninnge nga be de wunmiɛn'n be kwlaa be manman Anannganman. An `manman Anannganman!