Jue Mun 14 - NYANMIƐN NDƐ'N 1998

Sran'm be kwlaa be sacilɛ bɔ b'a saci'n

1 Jue nga ti David liɛ. Ɔ o jue tofuɛ'm be su kpɛn'n i fluwa'm be nun wie.

¹ Jue nga ti David liɛ. Ɔ o jue tofuɛ'm be su kpɛn'n i fluwa'm be nun wie. I waan: Sinnglinfuɛ'n ɔ se i anwlɛn'n nun kɛ Nyanmiɛn nun-man lɛ. B'a saci mlɔnmlɔn, tete'n yɛ be bo-ɔ, be wie fi yo-man sa kpa .

² Anannganman o nyanmiɛn su lɔ ɔ nian sran mun nian sɛ ngwlɛlɛfuɛ wie o be nun b'ɔ ´fɛ i wun mɛntɛn i o!

³ Be kwlaa b'a yaci atin kpa'n, be kwlaa b'a saci. Be nun wie fi yo-man sa kpa bɔ kun. Ɔ lɛ-man be nun bɔ kun .

⁴ Sa tɛ yofuɛ mun, be wun-man sa wlɛ. Be di min nvlefuɛ'm be lufle pɔɔ, ɔ waan aliɛ yɛ b'a nyɛn i yɛ be su di sa. Be kpan flɛ-man min mlɔnmlɔn.

⁵ Be klun wa suan be, yɛ be ´usu sa tututu! Afin be ´wun kɛ Nyanmiɛn o sran kpa'm be afiɛn.

⁶ Like nga nyrɛnnɛn wunfuɛ'n ɔ siesie'n, amun waan amun ´saci i, sanngɛ Anannganman yɛ ɔ ti i fiawlɛ-ɔ.

⁷ Ee! Man Nyanmiɛn b'ɔ tran Siɔn lɔ'n ɔ de Izraɛl nvle'n. Kɛ Anannganman ɔ ´yi i nvlefuɛ mun kanga'n nun ba'n, Zakɔb osu'n nunfuɛ'm be klun ´jɔ. Aklunjuɛ'n ɔ ´yo dan Izraɛlfuɛ'm be afiɛn .