Jue Mun 130 - NYANMIƐN NDƐ'N 1998

Sran ng'ɔ o nyrɛnnɛn dan nun'n i srɛlɛ b'ɔ srɛ'n

1 Zerizalɛm kɔlɛ'n i su jue.

¹ Zerizalɛm kɔlɛ'n i su jue. Anannganman, kɛ n wo nyrɛnnɛn dan'n nun'n, n kpan flɛ wɔ.

² Min Min, tie min aniɛn! Sie ɔ́ su min srɛwa tantrantan'n i bo!

³ ?Anannganman, sɛ ɔ waan a ´nian tɛ nga e yo'n, wan cɛ yɛ ɔ ka lɛ-ɔ ɔ ´yo ye-ɔ ?

⁴ Afin wɔ yɛ a yaci sran i wun sa cɛ i-ɔ kɛ ɔ ´yo nan be nyin wa yi wɔ'n ti.

⁵ N fa min wla'n n gua Anannganman su, n lafi i su, min nyin wo ndɛ ng'ɔ kan'n i sin.

⁶ Gladi difuɛ'm bé nyin o aliɛ'n i cɛnlɛ'n i sin, sanngɛ nga be yo i sɔ'n ɔ to-man mín nyin b'ɔ o Anannganman sin'n.

⁷ Izraɛlfuɛ mun, amun `fa amun wla gua Anannganman su! Afin ɔ ti aklunyefuɛ, ɔ kwla de amun lele tra su.

⁸ Sa tɛ nga amun yoli'n kwlaa i yɛ man amun ´nyan amun ti be nun-ɔn.