Jue Mun 128 - NYANMIƐN NDƐ'N 1998

Anannganman i sran'm be liɛ su ti ye

1 Zerizalɛm kɔlɛ'n i su jue.

¹ Zerizalɛm kɔlɛ'n i su jue. Sran nga i nyin yi Anannganman'n, b'ɔ nanti i atin'n su'n, i liɛ su ti ye!

² Sɛ a yo sɔ'n, i liɛ'n junman nga a yo'n, a ´di i nuan like. A ´di alaje, ɔ ninnge mun'n, san kpa yɛ be ´yo-ɔ.

³ Ɔ yi'n ɔ ´yo wɔ awlo'n nun kɛ vinyi b'ɔ su mma'n sa. Ɔ mma mun'n, kɛ be ti aliɛ sin'n be ´di bɔ be wun be'n, be ´fa be sunnzun olivie kanngan bɔ b'a ta be'n.

⁴ Sran nga i nyin yi Anannganman'n, kɛ Anannganman ´mɛn i muae sɔ-ɔ.

⁵ Man Anannganman b'ɔ o Siɔn lɔ'n ɔ yo ɔ liɛ ye. Kɛ ɔ́ nyin tɛ o su'n, muae nga Zerizalɛm ´nyɛn i'n, a ´nyan wie tititi.

⁶ Wɔ anunman'm be to wɔ. Man Izraɛlfuɛ'm bé wun jɔ be fouun!