Jue Mun 126 - NYANMIƐN NDƐ'N 1998

Sunlɛ'n ɔ'a kaci srilɛ

1 Zerizalɛm kɔlɛ'n i su jue.

¹ Zerizalɛm kɔlɛ'n i su jue. Kɛ Anannganman fali kanga mun sali bé sin bali Siɔn lɔ'n, ɔ yoli ye kɛ laliɛ nun sa.

² Srisrilɛ cɛ yɛ ɔ o e nuan-an. E bo e sroli sɔ woo aklunjuɛ'n ti. Kpɛkuun nvle kun nga'm be nun sran'm be waan: «Anannganman ɔ'a yo sa dan ɔ'a man be o!»

³ Anannganman yoli sa dan mannin ye sakpa, ɔ man aklunjuɛ'n ɔ'a yi e piɛ.

⁴ Anannganman, fa e fuɛ nga be trali be lomuɛn mun bla. Man be balɛ sɔ'n ɔ yo kɛ nzue ba bɔ ɔ'a wu kee bɔ nzue ɔ'a tɔ kpɛkuun ɔ su sonji'n sa.

⁵ Be bɔ be ´lua like'n, wuun be sun'n, kɛ be ´kpɛ like bɔ be luali'n, be ´bo be sro aklunjuɛ'n ti.

⁶ Sran nga ble'n i gualɛ'n su'n ɔ sun yɛ ɔ kɔ'n, kɛ ɔ'a blo bɔ ɔ'a ko kpɛ'n, b'ɔ ´sɛ i sin ba, bɔ ble'n i sɔlɛ'm be guɛ i kɔmin su'n, ɔ ´bo sro aklunjuɛ'n ti.