Jue Mun 125 - NYANMIƐN NDƐ'N 1998

Be nga be fa be wla'n be guɛ i Anannganman su'n

1 Zerizalɛm kɔlɛ'n i su jue.

¹ Zerizalɛm kɔlɛ'n i su jue. Be nga be fa bé wla'n gua Anannganman su'n, be ti kɛ Siɔn oka b'ɔ keje-man b'ɔ o lɛ titi'n sa.

² Wafa nga oka'm be fa bo sin yia Zerizalɛm klɔ'n, i kunngba'n yɛ Anannganman kusu fa bo sin yia i nvlefuɛ mun-ɔn. Kɛ ɔ ndɛ ɔ ´bo sin yia be sɔ sa tititi.

³ Afin klunwifuɛ su sie-man sran nga Nyanmiɛn bu be sran kpa mun, afin sɛ ɔ sie be sɔ'n, be konvi'n ´sɔ ndrunmun dilɛ'n.

⁴ Anannganman, be bɔ be ti kpa'n, bɔ be ti sɛsɛsɛ'n, yo be kpa.

⁵ Be nga be fa atin klɛklɛ'm be su'n, be liɛ'n, fuan be man be wɔ be nga be yo-man sa i nuan su'n be sin. Man Izraɛlfuɛ'm bé wun jɔ be fɔuun!