Jue Mun 122 - NYANMIƐN NDƐ'N 1998

Aunjuɛ bɔ nin Zerizalɛm fata'n

1 Zerizalɛm kɔlɛ'n i su jue.

¹ Zerizalɛm kɔlɛ'n i su jue. Kɛ be wa se min kɛ: «E wɔ Anannganman i sua'n nun lɔ'n,» n klun jɔ.

² Zerizalɛmfuɛ mun, e ja'm b'a kpɛn amun klɔ'm be anuan'n bé nun wa.

³ Zerizalɛm klɔ bɔ b'a kplɛn i klanman'n, talɛ sin yiɛ i bɔ cɛ!

⁴ Lɔ yɛ Izraɛl akpasua'm be kwlaa be yia-a. Anannganman i fuɛ mun-ɔn, be yia be mɛnmɛn i. Kɛ be kleli Izraɛlfuɛ'm be sɔ-ɔ.

⁵ Lɔ yɛ jɔlɛ dilɛ bia'n ɔ taka-a. Lɔ yɛ David i awlo'n i famiɛn bia'n ɔ wo-ɔ.

⁶ An `srɛ Nyanmiɛn man fɔundi tran Zerizalɛm lɔ. Zerizalɛm, be bɔ be klo wɔ'n, man alaje'n ɔ `fua be.

⁷ Man Zerizalɛm klɔ'n nun tɔ fɔun. Man alaje'n ɔ fua i sua nglanman'm be nunfuɛ mun.

⁸ Min niaan mun nin min janvuɛ'm be dunman nun ti, n ´srɛ kɛ man lɔfuɛ'm be nyan fɔundi.

⁹ Anannganman e Nyanmiɛn'n i sua'n i dunman nun ti, n ´srɛ man wɔ kɛ ɔ nunfuɛ'm be nyan muae.