Jue Mun 12 - NYANMIƐN NDƐ'N 1998

Nyanmiɛn i sran kpa bɔ be kle i yalɛ'n i srɛlɛ

1 Jue nga ti David liɛ. Ɔ o jue tofuɛ'm be su kpɛn'n i fluwa'm be nun wie. Kɛ be ´to'n, be bo jru ng'ɔ lɛ nyanman mɔcuɛ'n.

¹ Jue nga ti David liɛ. Ɔ o jue tofuɛ'm be su kpɛn'n i fluwa'm be nun wie. Kɛ be ´to'n, be bo jru ng'ɔ lɛ nyanman mɔcuɛ'n. I waan:

² Anannganman, de ye! Ɔ sufuɛ nanwlɛfuɛ'm be su nunnun. Be bɔ be lafi be su-ɔ ɔ yo ye'n, be wun-man be wie fi kun.

³ Sran'm be suɛn tɔnlɛ'n yɛ sran wie'm be waan be fa man be-ɔ. Be nuan nun ndɛ'n ti sa nɛnkɛn-nɛnkɛn, sanngɛ be anwlɛn'n ti nnyɔn-nnyɔn.

⁴ Man Anannganman nunnun be kwlaa nga be klo gblɛ kpɛlɛ'n nin be nga be ijɔ dandan'n.

⁵ Man ɔ nunnun be bɔ be se kɛ: «E si nga e ko kan nan y'a nyan kwlalɛ'n. E nuan waka'n wo lɛ. ?Wan cɛ yɛ ɔ kwla sie ye-ɔ?»

⁶ Anannganman waan: «Yalɛfuɛ nga be kle be yalɛ'n, ɔ nin nyrɛnnɛn wunfuɛ nga be fɛfɛ'n, bé ti m'an jaso. Be bɔ be kankan be bo'n, n su ba be delɛ.»

⁷ Anannganman i ndɛ mun, fiɛn kaan sa nun-man bé wun. A wun be sa-a, ɔ waan sika bɔ b'a tɔn i kpɛ nso b'a yi i nun fiɛn'n sa.

^8-9 Klunwifuɛ'm be ongo-ongo bé wun yɛ be kpɛ sin-ɔn. Kɛ sran wie'm be yo sa tɛ'n, be nga be bu-man Nyanmiɛn nin i nuan ndɛ'n be like fi'n, ɔ yo be wie'm be fɛ. Anannganman, a ´nian e su, a ´sasa e titi sran sɔ'm be lika.