Jue Mun 111 - NYANMIƐN NDƐ'N 1998

Sa dandan nga Nyanmiɛn yoli be'n be su jue

¹ An `manman Anannganman! N ´tu n klun n ´yi Anannganman i ayɛ i sufuɛ kpakpa'm bɔ b'a yia'n be afiɛn.

² Sa nga Anannganman yo be'n be ti dandan. Be b'ɔ jɔ be klun'n, be kunndɛ sa sɔ mun tititi.

³ Sa ng'ɔ yo be'n be yo nyɛnmɛn, be tu be nian, ɔ yo sa i nuan su tititi.

⁴ Ɔ klo kɛ be nyin ´kpɛn atrɛ ng'ɔ yi'n bé su. Anannganman yaci sa cɛ, ɔ si aunnvuɛ.

⁵ Be nga bé nyin yi i'n, ɔ man be like be di. I wla fi-man aenguɛ ng'ɔ nin i fuɛ'm be trali'n .

⁶ Ɔ yili i wunmiɛn'n dan'n i nglo kleli i nvle'n like ng'ɔ yoli'n nun, yɛlɛ nvle uflɛ'm be mɛn b'ɔ fa mannin be mlɔnmlɔn'n.

⁷ Sa ng'ɔ yo'n be kle kɛ ɔ di nanwlɛ nan ɔ yo sa i nuan su. I mmla ng'ɔ ko kle be'n, be fa bé wla be gua be su-ɔ ɔ yo ye.

⁸ Be ti kpa titi. Be taka nanwlɛ nin sa nuan su yolɛ'n su.

⁹ Ɔ wa deli i nvlefuɛ mun. Ɔ nin be trali aenguɛ b'ɔ ´ka lɛ tititi. Ɔ ti Nyanmiɛn kun b'ɔ lɛ-man wunsu, ɔ yo sro.

¹⁰ Be nyin b'ɔ yi Anannganman yɛ ɔ ti ngwlɛlɛ silɛ'n i bo bolɛ nin-ɔn. Be kwlaa nga be yo i sɔ'n, be lɛ akunndan ti-ɔ. I manmanlɛ wie-man mlɔnmlɔn le .