Jue Mun 110 - NYANMIƐN NDƐ'N 1998

Famiɛn'n bɔ i kunngba'n ɔ ti Nyanmiɛn nyrun jranfuɛ'n i jue

1 Jue nga ti David liɛ.

¹ Jue nga ti David liɛ. I waan: Anannganman i nuan su ndɛ ng'ɔ kan kleli min Min'n yɛ. Ɔ seli i kɛ yo: «Tran ase mín fama su wa lele man n yi ɔ kpɔfuɛ'm be ase ɔ́ bo nan n `fa be yo ɔ́ ja siesiewlɛ .»

² Anannganman man ɔ sielɛ'n ɔ fɛ i Siɔn lele ɔ trɛ ɔ mmua kpa. Man ɔ fanngan'n ɔ kwla ɔ kpɔfuɛ mun.

³ Blɛ nga a ´yiayia wɔ alɛ kunfuɛ'm bé nuan'n, sonja yakpafuɛ'm be nin wɔ-ɔ. Ɔ gbanflɛn'm be ´ba ɔ́ wun ɔ oka'm bé su, be ´ba kɛ nglɛmun bɔlɛ'n b'ɔ gua'n sa.

⁴ Anannganman ɔ tali nda. Ɔ lɛ-man kɛ ɔ ko yo-man. I waan: «A ti Nyanmiɛn nyrun jranfuɛ bɔ a ´ka lɛ titi kɛ Mɛlkizedɛk liɛ'n sa .»

⁵ Min Min'n ɔ jin ɔ́ sa fama su. Cɛn nga i ya cɛn'n ko ba'n, ɔ ´nunnun famiɛn wie mun.

⁶ Ɔ ´di nvle-nvle'm be jɔlɛ. Lika'n kwlaa ´yo saka ngunmin. Ɔ ´nunnun mɛn wunmuan nga nun kpɛnngbɛn mun .

⁷ Kɛ famiɛn'n ɔ ´sɛ i sin ba'n, ɔ ´nɔn nzue nzue ba'n nun, kpɛkuun ɔ ´kwla man i ti'n su.