Jue Mun 11 - NYANMIƐN NDƐ'N 1998

Anannganman i talolɛ

1 Jue nga ti David liɛ. Ɔ o jue tofuɛ'm be su kpɛn'n i fluwa'm be nun wie.

¹ Jue nga ti David liɛ. Ɔ o jue tofuɛ'm be su kpɛn'n i fluwa'm be nun wie. I waan: Anannganman i nun yɛ n kunndɛ fiawlɛ-ɔ. ?Ɔ yo sɛ ti yɛ amun se min kɛ: «Wanndi kɔ oka'm be nun lɔ ko fia kɛ anunman wie yɛ ɔ su tu sa nin-ɔn?»

² Amun `nian, klunwifuɛ'm b'a cuɛn be ta'n nun b'a sie. B'a fa be ta mma mun b'a siesie ta'm be nyanman'm be su sɛsɛsɛ kɛ kɔnguɛ be ´to i sran kpa'm bé wun.

³ ?Kɛ sran'm be nzuɛn kpakpa'n ko saci'n, nguɛ cɛ yɛ be kwla yo i ekun-ɔn?

⁴ Anannganman wo i sua b'ɔ ti i liɛ klonglo'n i nun lɔ. Anannganman i famiɛn bia'n wo nyanmiɛn su lɔ. Yɛ ɔ nian, ɔ nian sa nga klɔ sran'm be yo'n .

⁵ Anannganman si sran kpa'n i klun akunndan'n. Sanngɛ klunwifuɛ'n, ɔ nin sran ng'ɔ fa sa tɛ yolɛ'n cici i ti'n, ɔ kpɔ i sɔfuɛ mun .

⁶ Ɔ ´gua klunwifuɛ'm be su sɛnmlɛn nin sufru, ɔ ´fita be su aunngban kun b'ɔ lo klakla kpa. Sa ng'ɔ ´ju be su'n yɛ ɔ o lɛ-ɔ.

⁷ Afin Anannganman ti sɛsɛ. Ɔ klo like nga be yo i i nuan su sɛsɛ'n. Be bɔ be ti sran kpa'n be ´wun i nyrun'n.