Jue Mun 101 - NYANMIƐN NDƐ'N 1998

Nda nga famiɛn'm be tɛli i kɛ bé nyin ´yi Nyanmiɛn'n

1 Jue nga ti David liɛ.

¹ Jue nga ti David liɛ. I waan: Jue nga n wa to'n ti klun-ufue'n nin sa nuan su yolɛ'n bé wun jue. Wɔ Anannganman, wɔ yɛ n ´to m ´manman wɔ-ɔ.

² N ´fa min nyin n sie be nga be nanti sein'n be atin'n su kpa. ?Cɛn onin yɛ a ´ba mín wun-ɔn? N ´nanti sein nin anwlɛn kpa min awlofuɛ'm be nyrun.

³ Sa ng'ɔ nin yolɛ fata-man'n, ɔ su kpɛn-man n klun kɛ n ´yo. Be nga be kaci bé sin be si wɔ'n, n kpɔ be nantilɛ'n. N su yo-man be aeliɛ'n wie mlɔnmlɔn.

⁴ Sa tɛ yolɛ anwlɛn'n, n klo-man kɛ n nyan wie. E nin sa tɛ'n ye afiɛn ´ti nun.

⁵ Sran nga i wiengu suɛn yɛ ɔ tɔn i blɛlɛ-blɛlɛ sin'n, n ´nunnun i. Sran ng'ɔ bu-mɛn i wiengu sran'n, b'ɔ yo i wun dandan'n, e nin i sɔfuɛ'n e sɔn-man.

⁶ Be nga be fa bé wla gua bé su-ɔ ɔ yo ye'n, be yɛ n ´kunndɛ be-ɔ, n ´fa be n ´sie mín wun. Sran ng'ɔ nanti sein'n, ɔ ´yo min mantanfuɛ.

⁷ Sran ng'ɔ di ndrunmun'n, ɔ su tran-man min awlo liɛ'n nun. Gblɛ kpɛfuɛ'n su nyan-man manndran mín sa nun.

⁸ Klunwifuɛ nga be wo e mɛn nga nun'n, nglɛmun kwlaa n ´nunnun be. N ´yo sɔ nan be nga be yo sa b'ɔ ti-mɛn i nuan su Anannganman i klɔ'n su'n, be kwlaa be `wie.