Jɔlɛ Difuɛ Mun 14 - NYANMIƐN NDƐ'N 1998

Samsɔn i bla jalɛ

¹ Le kun Samsɔn ɔli Timna lɔ. Ɔ ko wunnin bla wie, ɔ ti Filisti bla.

² Ɔ sɛli i sin ko kan kleli i si nin i nin be kɛ: «M'an wun bla kun Timna lɔ, ɔ ti Filisti bla. Amun `jɛ i be man min.»

³ I si nin i nin be seli i kɛ: «Kpaa! ?Wɔ awlo nun bla nin ɔ nvle nun bla'm be wieli, yɛ Filistifuɛ'm bɔ be wla-man klɛn'n be bla yɛ a ´ko jɛ i-ɔ?» Samsɔn seli i si kɛ: «I yɛ n klo i-ɔ, jɛ i man min.»

⁴ I si nin i nin be si-man kɛ Anannganman bɔbɔ yɛ man sa sɔ'n ɔ ju-ɔ. Be si-man kɛ Filistifuɛ'm be utre kunndɛlɛ ti yɛ ɔ yo sɔ nin-ɔn, afin i blɛ sɔ nun'n, wuun Filistifuɛ'm be kwla Izraɛlfuɛ mun.

⁵ Samsɔn nin i si nin i nin be ɔli Timna. Kɛ be juli Timna vinyi fie'n nun lɛ'n, Samsɔn ´nian-an asɔmɔli bɔ b'a kpɛ cro'n kun yɛ ɔ ´kpan bɛ i ndɛnman yɛ.

⁶ Yɛ Anannganman i Wawɛ'n jrali Samsɔn su-ɔ. Like fi nun-mɛn i sa nun sanngɛ kpɛkuun Samsɔn trɛli i ɔ kpacili i nun kɛ be su kpaci boli bɔ ɔ'a kpɛ cro'n wie nun'n sa, sanngɛ ɔ'a bo-man su ɔ'a kle-mɛn i si nin i nin.

⁷ Ɔ ɔli, ɔ nin bla'n be ko kokoli yalɛ, kpɛkuun ɔ kloli i.

⁸ Kɛ ɔ dili le nnyɔn kun'n yɛ ɔ ɔli i jalɛ-ɔ. Kɛ ɔ ´kɔ'n ɔ ko niannin asɔmɔli fuɛn'n. Ɔ ´wun i-ɔ, awɛma mun yɛ b'a lo nun yɛ.

⁹ Ɔ yili awɛma nzue'n wie. Kɛ ɔ ´kɔ'n, wuun ɔ ´di. Kɛ ɔ sɛli i sin i si nin i nin bé wun wa'n, ɔ mannin be wie be dili, sanngɛ ɔ'a se-man be kɛ ɔ yili i asɔmɔli'n i fuɛn'n nun.

Samsɔn mannin taletale kun

¹⁰ Samsɔn si'n ɔ ɔli i sia'm be klɔ lɔ nan Samsɔn man b'a tɔn like b'a fa di cɛn su. Ɔ ti gbanflɛn'm be nzuɛn, kɛ be yo i sɔ-ɔ.

¹¹ Kɛ Filistifuɛ'm be wunnin i cɛ'n, be flɛli be nun sran ablasan kɛ be ko kɛn i wun yrɛ.

¹² Yɛ Samsɔn seli be kɛ: «N wa man amun taletale kun. Wa nin le mɔcuɛ kun, kwlaa nan cɛn dilɛ nga ɔ'a wie'n, sɛ amun tu i bo'n, m ´man amun tannin ablasan ɔ nin tralɛ ablasan.

¹³ Sɛ kusu amu'an si-mɛn i'n, amun ´man min tannin ablasan ɔ nin tralɛ ablasan.» Yɛ be tɛli i su kɛ: «Bo su man e nian e.»

¹⁴ Yɛ ɔ seli be kɛ: «Like ng'ɔ di like'n i nun yɛ like nga be di'n ɔ fin-ɔn. Like ng'ɔ lɛ wunmiɛn'n nun yɛ mlɛn-mlɛn'n ɔ fin-ɔn. ?Nguɛ like-ɔ?» Gbanflɛn sɔ'm be kplili i wun lele cɛn nsan, be tu taletale'n bo-ɔ, ɔ yo-man ye.

¹⁵ I le nso'n su'n, be seli Samsɔn i yi'n kɛ: «Yoo! E bo ninnge'n i fɛnlɛ ti yɛ amun flɛli ye-ɔ!» Lakalaka ɔ́ wun man ɔ tu taletale'n bo kle ye. Sɛ ɔ'a yo-man sɔ-ɔ, e ´trɔ wɔ nin ɔ́ si i awlo'm bé wun sin, e ´wɔ amun nun.

¹⁶ Samsɔn i yi'n sunnin i wun, ɔ seli i kɛ: «Mín wun, a kpɔ min yɛ a o lɛ-ɔ, a klo-man min mlɔnmlɔn. A mannin min nvle'n nunfuɛ'm be taletale sanngɛ a tu-mɛn i bo a kle-man min.» Samsɔn tɛli i su kɛ: «Mín si nin mín nin bɔbɔ m'an tu-mɛn i bo m'an kle-man be, yɛ ɔ waan wɔ.»

¹⁷ Bla'n sunnin Samsɔn wun cɛn ba nso nga be fa dili cɛn'n i nun. Kɛ ɔ kle-mɛn i yalɛ ngowa'n, i le nso'n su'n nan ɔ'a tu i bo ɔ'a kle i. Yɛ i kusu tuli i bo kleli i klɔfuɛ mun-ɔn.

¹⁸ I le nso su'n, kwlaa nan wia'n ɔ'a tɔ'n, klɔfuɛ'm be seli i kɛ: «?Like wie yo fɛ tra awɛma nzue? ?Like wie lɛ wunmiɛn tra asɔmɔli?» Yɛ ɔ tɛli bé su kɛ: «Sɛ amu'an fa-man min nannin bla'n b'a tutu-man lika'n, wuun amun kwla si-man min taletale'n i bo.»

¹⁹ Yɛ Anannganman i Wawɛ'n jrali i su-ɔ, nan ɔ'a ɔ Askalɔn lɔ ɔ'a ko kun sran ablasan. Ɔ fali bé bo ninnge mun, nan ɔ'a fa be wun tralɛ mun ɔ'a man be nga be tuli i taletale'n i bo'n. Ɔ fali ya dan kpa nan ɔ'a ɔ i si awlo.

²⁰ Be deli i yi'n be mannin i bɔbɔ i janvuɛ kpa kun kɛ ɔ jɛ i.