Ndɛ Nga Nyanmiɛn I Nuan Ijɔfuɛ Oze Kannin'n 3 - NYANMIƐN NDƐ'N 1998

Oze i sa nianlɛ

¹ Anannganman'n seli min kɛ: «Kɔ nan bla nga b'ɔ lɛ bian, bɔ sanngɛ bian cɛ yɛ ɔ kunndɛ i wun bo'n, a nin i be ko la ekun. Klo i kɛ m bɔbɔ min Anannganman n fa n kloli Izraɛlfuɛ mun sa, bɔ sanngɛ amuɛn mun yɛ be kpɛ be sin atin-ɔn. Yɛ vinyi mma gato dilɛ yɛ be klo-ɔ.»

² Yɛ n ´fa jɛtɛ ufue mma blu-nin-nnun nin ɔrz kpankpan nsiɛn yɛ n ´fa ja bla sɔ nin-ɔn.

³ Kpɛkuun n seli i kɛ: «Cɛ min wun wa, nán si tekle kun, nán a nin yasua uflɛ be san nun kun. Min kusu n ´tran sɔ wie ɔ dunman nun.»

⁴ Afin Izraɛlfuɛ'm be wa ka sa lele be su nyan-man famiɛn kun, be su nyan-man famiɛn i awlo sran dan kun, be su yi-man tɛ kun, be su sɔ-man yɛbuɛ kun. Kpɛkuun ninnge nga be fa si Nyanmiɛn i klun sa'n, be su nyɛn-mɛn i kun.

⁵ Kɛ ɔ ´cɛ kɔ'n, Izraɛlfuɛ'm be wa sa bé sin be ´kunndɛ Anannganman b'ɔ ti be Nyanmiɛn'n. Be wa sa bé sin be ´kunndɛ David i osu nunfuɛ b'ɔ ti be famiɛn'n. Be nga be ´wunnge Anannganman aklunyefuɛ sɔ'n i wun'n, bé wun ´usu be yɛ be ´ba-a.