Ɛsdras 2 - NYANMIƐN NDƐ'N 1998

Zuif nga be sali be sin be bali be mɛn nun'n

¹ Be nga Nɛbikadnɛzar b'ɔ ti Babilɔni famiɛn'n ɔ trali be lomuɛn ɔli Babilɔni'n, be sunman be sali be sin Zerizalɛm ɔ nin Zida mɛn nun. Be kwlaa be ɔli be klɔ kunngun'n be su.

² Kɛ be ba'n, be nga be dun mmua be nyrun mun yɛ: Zorobabɛl, Zozie, Neemi, Sɛraza, Reelaza, Mardose, Bilsan, Mispar, Bigvai, Rɛɔm, ɔ nin Baana. Izraɛl awlobo kunngun'm be dunman mun yɛ:

³ Parɛɔs awlo'n nunfuɛ'm be ti sran akpi nnyɔn sran ya kun sran ableso-nin-nnyɔn (2.172).

⁴ Sɛfatia awlo'n nunfuɛ'm be ti sran ya nsan sran ableso-nin-nnyɔn.

⁵ Ara awlo'n nunfuɛ'm be ti sran ya nso sran ableso-nin-nnun.

⁶ Pasat-Moab awlo'n nunfuɛ'm be nannan yɛlɛ Zozie nin Zoab. I nunfuɛ sɔ'm be ti sran akpi nnyɔn sran ya mɔcuɛ sran blu-nin-nnyɔn (2.812).

⁷ Elam awlo'n nunfuɛ'm be ti sran akpi kun sran ya nnyɔn sran ablenun-nin-nnan (1.254).

⁸ Zati awlo'n nunfuɛ'm be ti sran ya ngwlan sran ablanan-nin-nnun.

⁹ Zakai awlo'n nunfuɛ'm be ti sran ya nso sran ablesiɛn.

¹⁰ Bani awlo'n nunfuɛ'm be ti sran ya nsiɛn sran ablanan-nin-nnyɔn.

¹¹ Bebai awlo'n nunfuɛ'm be ti sran ya nsiɛn sran ablaɔn-nin-nsan.

¹² Azgad awlo'n nunfuɛ'm be ti sran akpi kun sran ya nnyɔn sran ablaɔn-nin-nnyɔn (1.222).

¹³ Adɔnikam awlo'n nunfuɛ'm be ti sran ya nsiɛn sran ablesiɛn-nin-nsiɛn.

¹⁴ Bigvai awlo'n nunfuɛ'm be ti sran akpi nnyɔn sran ablenun-nin-nsiɛn (2.056).

¹⁵ Adɛn awlo'n nunfuɛ'm be ti sran ya nnan sran ablenun-nin-nnan.

¹⁶ Atɛr awlo'n nunfuɛ'm be nannan yɛlɛ Ezekias, i nunfuɛ sɔ'm be ti sran ablangwlan-nin-mɔcuɛ.

¹⁷ Bɛzai awlo'n nunfuɛ'm be ti sran ya nsan sran ablaɔn-nin-nsan.

¹⁸ Zɔra awlo'n nunfuɛ'm be ti sran ya sran blu-nin-nnyɔn.

¹⁹ Asɔm awlo'n nunfuɛ'm be ti sran ya nnyɔn sran ablaɔn-nin-nsan.

²⁰ Gibar awlo'n nunfuɛ'm be ti sran ablangwlan-nin-nnun.

²¹ Bɛtleɛm klɔ'n sufuɛ'm be ti sran ya sran ablaɔn-nin-nsan.

²² Nɛtofa klɔ'n sufuɛ'm be ti sran ablenun-nin-nsiɛn.

²³ Anatɔt klɔ'n sufuɛ'm be ti sran ya sran ablaɔn-nin-mɔcuɛ.

²⁴ Azmavɛt klɔ'n sufuɛ'm be ti sran ablanan-nin-nnyɔn.

²⁵ Kirzat-Zearim, nin Kɛfira yɛ Beerɔt klɔ'm be sufuɛ'm be ti sran ya nso sran ablanan-nin-nsan.

²⁶ Rama nin Gɛba klɔ'm be sufuɛ'm be ti sran ya nsiɛn sran ablaɔn-nin-kun.

²⁷ Mikmas klɔ'n sufuɛ'm be ti sran ya sran ablaɔn-nin-nnyɔn.

²⁸ Betɛl nin Ai klɔ'm be sufuɛ'm be ti sran ya nnyɔn sran ablaɔn-nin-nsan.

²⁹ Nɛbo klɔ'n sufuɛ'm be ti sran ablenun-nin-nnyɔn.

³⁰ Magbis klɔ'n sufuɛ'm be ti sran ya sran ablenun-nin-nsiɛn.

³¹ Elam kun ekun'n i awlo'n nunfuɛ'm be ti sran akpi kun sran ya nnyɔn sran ablenun-nin-nnan (1.254).

³² Arɔm awlo'n nunfuɛ'm be ti sran ya nsan sran ablaɔn.

³³ Lɔd nin Adid, nin Ɔno klɔ'm be sufuɛ'm be ti sran ya nso sran ablaɔn-nin-nnun.

³⁴ Zeriko klɔ'n sufuɛ'm be ti sran ya nsan sran ablanan-nin-nnun.

³⁵ Sɛna klɔ'n sufuɛ'm be ti sran akpi nsan sran ya nsiɛn sran ablasan (3.630).

³⁶ Nyanmiɛn nyrun jranfuɛ mun yɛ: Zozie awlo nunfuɛ'm be nannan yɛlɛ Zɛdaɛza, i nunfuɛ sɔ'm be ti sran ya ngwlan sran ableso-nin-nsan.

³⁷ Imɛr awlo'n nunfuɛ'm be ti sran akpi kun sran ablenun-nin-nnyɔn (1.052).

³⁸ Pasir awlo'n nunfuɛ'm be ti sran akpi kun sran ya nnyɔn sran ablanan-nin-nso (1.247).

³⁹ Arim awlo'n nunfuɛ'm be ti sran akpi kun sran blu-nin-nso (1.017).

⁴⁰ Zozie nin Kadmiɛl bɔ be ti Levifuɛ'm be awlo'n nunfuɛ'm be nannan yɛlɛ Ɔdavia, awlo sɔ'm be nunfuɛ'm be ti sran ableso-nin-nnan.

⁴¹ Jue tofuɛ mun yɛlɛ Azaf awlo'n nunfuɛ mun. Be ti sran ya sran ablaɔn-nin-mɔcuɛ.

⁴² Anuan sunianfuɛ mun yɛlɛ Salɔm, nin Atɛr, nin Talmɔn, nin Akib, nin Atita, ɔ nin Sɔbai. Be awlofuɛ'm be kwlaa be ti sran ya sran ablasan-nin-ngwlan.

⁴³ Nyanmiɛn i sua'n nun junman difuɛ bɔ be lɛ su kpɛn mun'n, yɛlɛ sran nga be o yɛ'm be anunman mun: Zisa, Azifa, Tabaɔt,

⁴⁴ Kerɔs, Siaa, Padɔn,

⁴⁵ Lɛbana, Agaba, Akib,

⁴⁶ Agab, Samlai, Anan,

⁴⁷ Gidɛl, Gasar, Reaza,

⁴⁸ Rɛzɛn, Nɛkoda, Gazam,

⁴⁹ Iza, Pazeak, Bezai,

⁵⁰ Asna, Mɛinim, Nɛfisim,

⁵¹ Bakbik, Akifa, Arir,

⁵² Bazlit, Mɛida, Arsa,

⁵³ Barkɔs, Sizɛra, Tema,

⁵⁴ Nɛziak, yɛ Atifa.

⁵⁵ Salomɔn i sufuɛ'm be awlo'n nun sran mun, yɛlɛ sran nga be o yɛ'n be anunman mun: Sɔtai, Sɔferɛt, Pɛrida,

⁵⁶ Zaala, Darkɔn, Gidɛl,

⁵⁷ Sɛfatia, Atil, Pɔkerɛt-Azɛbaim, yɛ Ami.

⁵⁸ Kɛ be kan junman difuɛ bɔ be lɛ su kpɛn'n nin Salomɔn i sufuɛ liɛ'm be bo nun'n, be ti sran ya nsan sran ablangwlan-nin-nnyɔn.

⁵⁹ Sran nga be fin Tɛl-Melak, nin Tɛl-Arsa, nin Kɛrib-Adɔn, ɔ nin Imɛr, b'a kwla bobo-man bé si'm be awlo'n nin be nannan'm be dunman. Ɔ man b'a wun-mɛn i wlɛ sɛ be ti Izraɛlfuɛ o.

⁶⁰ Be sɔfuɛ mun yɛ: Dɛlaza, Tɔbiza, yɛ Nɛkoda be bo mma mun. Be ti sran ya nsiɛn sran ablenun-nin-nnyɔn.

⁶¹ Be nun wie ti Nyanmiɛn nyrun jranfuɛ: Ɔbaza nin Akɔz, ɔ nin Barzilai bé bo mma mun-ɔn. Sa ti bɔ be flɛ kun Barzilai'n, yɛlɛ kɛ ɔ jali Barzilai ng'ɔ fin Galaad i wa bla kun.

⁶² Sran sɔ'm be kunndɛli be fluwa nga be nannan'm be dunman klɛ nun mun lele ngbɛn. Ɔ man be niannin be kɛ sran bɔ be ti fiɛn sa, b'a man-man be atin kɛ be di Nyanmiɛn nyrun jranlɛ junman'n wie.

⁶³ Nvle'n i Siefuɛ'n waan nán be di like ng'ɔ ti Nyanmiɛn liɛ klonglo'n wie, san Nyanmiɛn nyrun jranfuɛ kun ɔ ´dun mmua fa i ninnge nga be fa si Nyanmiɛn i klun sa ɔ ´fa usa Nyanmiɛn i nun ka.

⁶⁴ Izraɛlfuɛ nga be bali'n be kwlaa be ti sran akpi-akpi ablanan-nin-nnyɔn sran ya nsan sran ablesiɛn (42.360).

⁶⁵ Be sufuɛ bla nin yasua'm be ti sran akpi-akpi nso sran ya nsan sran ablasan-nin-nso (7.337). Jue tofuɛ bla nin yasua'm be ti sran ya nnyɔn.

⁶⁶ Nnɛn kpanngɔ'm be ti ya nso ablasan-nin-nsiɛn. Milɛ'm be ti ya nnyɔn ablanan-nin-nnun.

⁶⁷ Nyɔnngɔnmɛn'm be ti ya nnan ablasan-nin-nnun. Aflunmun'm be ti akpi nsiɛn aflunmun ya nso aflunmun ablaɔn (6.720).

⁶⁸ Kɛ be juli Zerizalɛm bɔ lɛ yɛ Nyanmiɛn sua'n wo'n, awlobo kpɛnngbɛn sunman be mannin be klun klo cɛlɛ kɛ be fa kplan Nyanmiɛn sua'n kan be kplɛnnin i lɛ laa'n.

⁶⁹ Sran kun man ng'ɔ kwla man'n. Be kwlakwla be mannin sika ɔkwlɛ kpɔlɛ akpi-akpi ablesiɛn-nin-kun (61.000), ɔ nin jɛtɛ ufue kilo akpi nnyɔn kilo ya nnun (2.500). Yɛ be mannin Nyanmiɛn nyrun jranlɛ tralɛ ya.

⁷⁰ Nyanmiɛn nyrun jranfuɛ mun, nin Levifuɛ mun, nin Izraɛlfuɛ kun nga mun, nin jue tofuɛ mun, nin anuan sunianfuɛ mun, ɔ nin Nyanmiɛn sua'n nun junman difuɛ mun be trannin be klɔ'm be su sɛsɛsɛ. Izraɛlfuɛ'm be kwlaa be trannin be klɔ'm be su.