Bo Bolɛ 10 - NYANMIƐN NDƐ'N 1998

Nvle-nvle nga be wo asiɛ'n su'n

¹ Kɛ nzue dan'n tɔli sinnin'n, Noe i wa Sɛm nin Kam, nin Zafɛt be wuli ba mun. Be mma sɔ'm be osu mun yɛ:

² Zafɛt wuli Gɔmɛr, nin Magɔg, nin Madai, nin Zavan, nin Tibal, nin Mesɛk yɛ Tiras.

³ Gɔmɛr wuli Askenaz, nin Rifat yɛ Tɔgarma.

⁴ Zavan wuli Elisa, nin Tarsis, nin Kitim yɛ Dɔdanim.

⁵ Be bo mma mun yɛ be ko trannin mɛn nga be o jenvie'n nuan'm be nun nin-ɔn. Kɛ be ´tran'n, be trantrannin nvle-nvle nin akpasua-akpasua.

⁶ Kam wuli Kis, nin Mizraim, nin Pit yɛ Kanaan.

⁷ Kis wuli Seba, Avila, Sabta, Raɛma yɛ Sabtɛka. Raɛma wuli Seba yɛ Dɛdan.

⁸ Kis i wa ekun yɛlɛ Nimrɔd. Nimrɔd yɛ ɔ yoli asiɛ'n su sran b'ɔ yoli famiɛn klikli nin-ɔn.

⁹ Nimrɔd yoli koniɛn difuɛ dan kpa Anannganman nyrun. I ti yɛ be ´kan ndɛ-ɔ, be se kɛ: «Sran nga ti koniɛn difuɛ kpa Anannganman nyrun kɛ Nimrɔd sa» nin-ɔn.

¹⁰ Klɔ nga ɔ dun mmua sieli be'n yɛlɛ Babɛl, nin Erɛk, nin Akad yɛ Kalne. Klɔ sɔ'm be o Babilɔni mɛn'n nun lɔ,

¹¹ ɔ fɛ i mɛn sɔ'n nun lɔ ɔli Asiri, ɔ ko kplannin Niniv nin Reobɔt-Ir, ɔ nin Kalak.

¹² Yɛ ɔ kplannin Rezɛn. Ɔ ti klɔ dan, ɔ o Niniv nin Kalak be afiɛn.

¹³ Mizraim yoli Lidfuɛ mun nin Anamfuɛ mun nin Leabfuɛ mun, nin Naftifuɛ mun,

¹⁴ nin Patrɔsfuɛ mun, nin Kaslifuɛ mun, ɔ nin Kaftɔrfuɛ'm be nannan. Be anunman mun yɛlɛ Filistifuɛ mun.

¹⁵ Kanaan i wa klikli ng'ɔ wuli i'n yɛlɛ Sidɔn, i sin ɔ wa wuli Ɛt.

¹⁶ I anunman mun yɛlɛ Zɛbisfuɛ mun, nin Amɔrfuɛ mun, nin Girgazfuɛ mun,

¹⁷ nin Evfuɛ mun, nin Arkfuɛ mun, nin Sinfuɛ mun,

¹⁸ nin Arvadfuɛ mun, nin Zamarfuɛ mun, ɔ nin Amatfuɛ mun. Kɛ ɔ ´kɔ i nyrun kan'n, Kanaanfuɛ'm be tu ko trantrannin lika'm be nun.

¹⁹ Ɔ man Kanaanfuɛ'm be lika'n fɛ i Sidɔn kɔ Gerar bue liɛ'n su lɔ lele ju Gaza. Kpɛkuun ɔ kɔ Sodɔm, nin Gomɔr, nin Adma, nin Zɛbɔim bue liɛ'n su lɔ lele ju Lesa.

²⁰ Kam i bo mma mun yɛ be o lɛ-ɔ. Be trannin akpasua-akpasua nin nvle-nvle bé mɛn'm be nun sɛsɛsɛ.

²¹ Zafɛt i nyrun kpɛnngbɛn Sɛm kusu wuli ba. Ɔ ti Ebɛrfuɛ'm be kwlakwla be nannan.

²² Sɛm wuli Elam, nin Azir, nin Arpaksad, nin Lid yɛ Aram.

²³ Aram wuli Iz, nin Il, nin Getɛr, yɛ Mas.

²⁴ Arpaksad wuli Sela, yɛ Sela kusu wuli Ebɛr.

²⁵ Ebɛr wuli ba yasua nnyɔn: be flɛ kun Pelɛg (nun titilɛ). Sa ti bɔ be flɛ i sɔ'n yɛlɛ kɛ i blɛ su yɛ asiɛ'n sufuɛ'm be titili nun-ɔn. I niaan'n suan Zɔktan.

²⁶ Zɔktan wuli Almɔdad, nin Selɛf, nin Azarmavɛt, nin Zerak,

²⁷ nin Adɔram, nin Izal, nin Dikla,

²⁸ nin Ɔbal, nin Abimaɛl, nin Seba,

²⁹ nin Ɔfir, nin Avila yɛ Zɔbab. Zɔktan i mma mun yɛlɛ be kwlakwla.

³⁰ Be trannin Mesa nin Sɛfar be afiɛn lɛ. Sɛfar ti oka lika, ɔ o wia afiliɛ lɔ.

³¹ Sɛm i osu'n yɛ ɔ o lɛ-ɔ.

³² Noe i mma'm be akpasua-akpasua'n kɛ be afiliɛ nin be nvle'n be ti'n yɛ ɔ o lɛ-ɔ. Kɛ anannganman su nzue'n tɔ sinnin'n, nvle-nvle nga b'a trɛ asiɛ'n su yɛ'n, be fin be .