ራጋ ካያንሳ 15 - አማቶ ኦኡሱብ

ታጋቾ ኤንገ ካአበሮ ኤርግቻ

¹ ካካለ ካአቲና ካሳዳምሮ ማላታ ዳሩሪ አን ዴ፤ ኤንገ ታዋ ፈሎይ ካኮሃታ ታጋቾ ታሌተቶ ኤንገ ቶዶባ ካአበሮ ኤርግቻል ቶዶባ አን ዴ።

² ሂካኮ አባባየረ ኤለን ታኮለለዳንተቶ ማስቶቲ ኣን ኦላራን በከ ኣንክክ ማመ አን ዴ፤ ኡሱማለና ሱላለትና ሱላለትኮት ምስሊ፥ መገኬሳኮኒዕ ቶቶና ማላታ ካአዎዴሮ እባዶ ኣን ዴ፤ እሶና ዋ ካስሰሮ ክራን አቤንጉረን ማስቶቲ ኣን ኦላራን በከ ዶሌ አሌን ግረን።

³ ዋዉን ካሀንዳረ ካሙሴ ማዛሙርና ካኢዳዶ ማዛሙር ሃ አማ ዛማራ ግረን፥ “ዱባ ካዳንዳታ ጎታ ሄዶ! ፈሎኦታ ኦአቲና ኦሳዳምራንያን፤ ካጎሳ ዎኖ! ራካና ቱኩልክና ካሩምያ፤

⁴ ጎታ! ኩ ካአብሳኖና መገካ ካካባጂኖን አዮያ? አት ካላል ቁሉክታ፤ ካሩም ፍርዳካ ማንኮሙተሮ ማራን ጎሳ ዱባ ኤመይረ ኩ ሆረ ሳጋድናራ።”

⁵ ሂካኮ አባባየረ ታአቶ ዳሰ ካኮግቶ ቁሉክ ምን ካዋ ዳሩሪ ባናመ ግራን አን ዴ፤

⁶ ኤንገ ቶዶባ ካአበራ ኤርግቻል ቶዶባ ቁሉክ ምን ካዋኮ ቤን፤ ሙጭ ካአመ ካሀንቃሮ ጉማራክ ሳርስ ሳርሳቴን ግረን፤ ጌግዮትሶይና ካዎርቂ ሞዋኖ ሞዋቴን ግረን።

⁷ ኔፎ ታአብቶ መጣ አፋርኮ ኮ ጅሩ ጅሮማኮ ታ ጅሩ ጅሮማ ጌሮን ካግርናሮ ዋኮት ኤንገ ካኮአማጋንተቶ ቶዶባ ታዎርቂ ጡጋል እሶን ስሰ።

⁸ ቁሉክ ምን ካዋና ካባጃ ታዋኮና ሁናኮ ካከይ ኢዪ አማጋመ፤ ኤርግቻል ቶዶባ ታአበራ ኤንገ ቶዶባ ታጉዳቶ ማዮና ቁሉክ ምን ካዋ ኦሮድ ታብን ላኮዳንዴ።