1 ተሰሎንቄ 1 - አማቶ ኦኡሱብ

¹ ጳዉሎሳኮ፥ ስላሰኮና ጢሞቶሳኮ፤ ካዋ ኦዶይና ጎታ የሱሳ ክርስቶሳ ኦግራዉና ካተሰሎንቄ ካታማይ ካግሮ ምን ካዋዉን፤ ዋ ኦዶካን ታጎታ የሱሳ ክርስቶሳኮ ስኖና ኖጎዳ እስኑን ሀሌቶ።

ካተሰሎንቄ እባዶኮክ ግርና አማኖ

² ኤብካን እስን ሻዳ አርጌቶ እስን ዱባ ማራን ዋ ጋላታና።

³ አማኖኮ ኦሌራን ፈሎኦትስን፥ ጌላንጀኮ ካኬሮ ዳፉርክስን ጎታካን የሱሳ ክርስቶሳ ካአብታን አማኖ ካሄላመሮ አታንክስን ሄዶካንና ኣቦካን ኖ አርጌቶ ሻዳና።

⁴ ዋይ ኦጌላንቴታን አቢላልቴ፥ ኡሱ እስን አሳባኖ ካንሶዋ፤

⁵ ኣላንቲና ዎንጋላካን እስን ቶስ ካኤመተራ ሁናይና አያና ቁሉክ ካሞጋን ማላባኖይ ኳሬ ሃፉራ ካላሊ ላኮዮ። አደ እስን ማራን አምነኔ እስን ኦሮ ኖ ምሲ ግኔ ካሳንዋ።

⁶ እስን ኖ ኣንና ጎታ ኣን ሌቴታን፤ ማምሲና ታአቲ ራኮ ጎጌተና ሃፉራ ካዋ አያና ቁሉክ ገጌሎይ አታቴታን።

⁷ ሂካኮና ካከይ ታመቀዶንያይና ታአካያ አዉራጃይ ካግሮ አማኒሉን ታኢዳንት ማሱሳ ሌቴታን።

⁸ ካጎታ ሃፉራ እስንኮ ቤረ ታመቀዶንያይና ታአካያይ አዉራጃይ ማላሳማኖ ካላ አንሌኖን ግራን እስን ዋይ ካአብታን አማኖ ባንኤ ዱባ አዴሳመራ፤ ሃንሱን ኖ ህታ ሃጃ ጉት ኮና አዬስን ላኮዶትሳሮ፤

⁹ ምስክ አታታኖይ አታቴታን አርዶክና ካሩም ካሌሮ ሄዶን ሀንዳይን ቶልቻልኮ ዋ ቶስ ምሲ አባባቴታን እሶ መተክሶዉን አዬሳራን፤

¹⁰ አደና ዋ ጎይኮ ካኬሰሮና ዳሩርኮ ካኤሜይናሮ ኤረኬሳ፥ ታኤማቶ ኤንገኮ ካሃስናሮ የሱሳ እስን ምሲ ኦራይናታን እሶ አዬሳራን።