1 ያንሳ 1 - አማቶ ኦኡሱብ

ሃፉራ ካግር

¹ ሃፉራ ካግርኮክ ጋራ ሆራርጀዋ ካግረ፥ ካማልነኖ፥ ኢልኦ ኦታኒ ካዴነኖ አንዴ ትችንሰ ካዴነኖ ገነኖኦታንና ካድኔራን አዬስናና።

² ሂክ ግር ሙተራ፤ ኖና ዴነና፤ እስኑን አቶትናና። ኦዶ ዶሌ ካግረና፥ ኖና ካሙተሮ ጅሩ ጅሮማክ ግር እስኑን ሰግናና።

³ እስና ኖኔ ዎታ ራቶናት ጎጎግሮ ካዴነኖና ካማልነኖ እስኑን ሰግናና። ራቶናትካን ኦዶነና፥ ኤረ የሱሳ ክርስቶሳነ ዎታያ።

⁴ ገጌሎኦታን ልክኒዕ ጎጎሌራኑን ሂካ አን እስኑን ጻፍናራ።

ዋ ኢፋያ

⁵ ኡሱኮ ካማልነኖ እስኑና ካሰጋና ሀንዳ “ዋ ኢፋያ፤ ሙጉድና ኡሱ ዶሌ ዱዶ ላኮግሮ” ካአማሮያ።

⁶ ሙጉዲ ሰሴታ ኡሱነ ዎታ ራቶናት አብና ጎአምኔ ጣራ አዬሳና፤ ሩምና ላግቶ።

⁷ አየሱን ጎአመን ዋ መተኬሳ ኢፋይ ጎጎግሮ፥ ኖና ኢፋ ጎሰሴነ እስ እስኦሮ ኖ ኮ ላኖ አብና፤ ኡሱማለና ኤረኬሳክ ካየሱሳ ክርስቶሳ ኢግ ጩቦ ዱባኮ ኖ ሙጭእስናራ።

⁸ ጩቦ ላኮአብኖ ጎአምኔ እስኦታን ሶባታና፥ ሩምና ኖ ኦሮ ላኮግቶ።

⁹ ጩቦካን ኡሱን ጎሰጋነ ጩቦካን ሀሄሶ አምን፥ ሜላነ ዱባኮ ሙጭስን ኡሱ ካአብዳመና ቁሉክያ።

¹⁰ ጩቦ ላኮፈልነኖ ጎአምኔ፥ ኡሱ ካጣራ የላና፤ ሃፉራና ኖ ኦሮ ላኮግሮ።