Yoob 25 - UNIMBƆTI NYƆƆBUNDI GBƆŊKU

Biilidaadi nín sòon̄ tiŋyee: Unil sá ba Unimbɔti nimbiin

¹ Niinee ní usuwaja Biilidaadi bí Yoob yii:

² Unimbɔti sá Mpɔŋkɔdaan ní ki cáá tifaandi, úǹ di yàntī ŋgbansɔŋfi bí áli yilpu.

³ Ŋma di ŋūǹ kí kàaǹ ajanjakiti ŋin u cááyee? Ŋma pu ní u-walifiŋu kaa ŋmíntí ní?

⁴ Mana ní unil ŋūǹ kí nīn bí deedee Unimbɔti nimbiin? Mana ní nisaal ŋūǹ kí nīn bí circir?

⁵ Uŋmal nín ŋmíntí puee kaa wāĺ Unimbɔti nimbiin, ní iŋmalbijaa kaa bí circir u-nimbiin.

⁶ Kin ti làá sòoǹ unil un bí kii ujiliŋkpaam nee pu yii ba, nisaal un sá kii kinaŋgbammaŋ nee!