Psaumes 93 - UNIMBƆTI NYƆƆBUNDI GBƆŊKU

Ti-Dindaan sá ubɔti

¹ Ti-Dindaan sá ubɔti. U dū tikpaandi ki pēeǹ kii dibɔkutilee, ní ki dū mpɔn ki gbìn̄ kii dambalee. An pu ní duulinya bá ki pɔ̄ɔ̄, kaa cìŋkī.

² Doooo cannaaku ní a-beel bí ki bá ki pɔ̄ɔ̄, doooo jaanjaan ní a bí.

³ Ti-Dindaan, amɔɔ bíi yíkí yilpu, amɔɔ yāntì bi gbìl̄ ŋi-nyɔkɔ pu, amɔɔ bíi gà kuwoou.

⁴ A pɔ̄ɔ̄ ki jítiǹ nnyiŋkpaam wooku nì tiŋku nyiŋgbanti tin ŋān̄ee pu, sii ti-Dindaan un bí yilpuee di ŋān̄.

⁵ A-bɔkpaaŋi baasii sá ibaamɔn ní, ti-Dindaan, a-diiku máaǹ kí nīn sá circir diiku, kí nīn cáa cá jaanjaan.