Psaumes 130 - UNIMBƆTI NYƆƆBUNDI GBƆŊKU

Dinimbinaamandi poon

1 Bi yaa cá Jeerusaleem kí jāam̀ Unimbɔtee ní bi gà nlan nee.

¹ Bi yaa cá Jeerusaleem kí jāam̀ Unimbɔtee ní bi gà nlan nee. Dinimbinaamandi poonee, m kūuntí ki yíì-si, ti-Dindaan.

² Ti-Dindaan, pīlifiǹ-mi, kpòon̄ a-tafal kí pīlifì m-gbaamii.

³ Ti-Dindaan, a yaa bàà ŋmà ti-yìntitam ki yōontée, ti-Dindaan, ŋma bàà ŋmátí?

⁴ Ama sii di pūǹ ikpiti, an pu ní bi máaǹ kí fàŋkì-si.

⁵ M cɔ́tí ti-Dindaan pu, m cɔ́tí nì m-naŋki kɔkɔ, ní ki máká u-nyɔɔbundi pu.

⁶ M-naŋki fèefī ki nyàab̀ ti-Dindaan ki jítiǹ sooja un cí sintilee nín là kutaa ń wúntí puee, ki jítiǹ sooja un cí sintilee nín là kutaa ń wúntí puee.

⁷ Isirayeel yab, nín̄ mákámaan ti-Dindaan pu, di sá yii ti-Dindaan cee ní dineeŋkpaandi bí, u cáá isan tikpil in pu u làá dī kí fīī-see.

⁸ Úǹ di làá fīī Isirayeel yab kí nyāntí bi-kpitii poon.