Psaumes 128 - UNIMBƆTI NYƆƆBUNDI GBƆŊKU

Deedeedambi naam

1 Bi yaa cá Jeerusaleem kí jāam̀ Unimbɔtee ní bi gà nlan nee.

¹ Bi yaa cá Jeerusaleem kí jāam̀ Unimbɔtee ní bi gà nlan nee. Bin kɔkɔ fàŋkí ti-Dindaan, ki nóó u-saŋŋuee bí mmɔnneeee!

² A nín túń ditundi ki ká kuŋyee ní a làá jī. A làá nīn bí mmɔnni, ní án bútí-si!

³ A-dumpuee, a-nimpuu làá nīn bí kii bufiinyisubu bun lòoǹ tikpilee, ní a-jipɔmbi ń nīn bí kii ɔliifi supɔmbiliŋee ki māntìi tú a-teebiliu.

⁴ Ti-Dindaan nín làá bìin̄ un fàŋkí-uee pu puee dee.

⁵ Ti-Dindaan ń bìin̄ a-boon doooo Siiyɔn jool pu, ní á ká án nín làá bútí Jeerusaleem pu a-maŋfal wiiŋyi kɔkɔ poonee,

⁶ ní kí ká a-biyaamu biyaamu. Isirayeel ń nīn bí ŋgbansɔŋfin!