Psaumes 100 - UNIMBƆTI NYƆƆBUNDI GBƆŊKU

Ti sá u-nibul

¹ Ijaam saraau laŋŋu. Kitiŋ kɔkɔ nib, ní fáámaan iwiliili kí dàntì ti-Dindaan.

² Jāam̀maan-u nì ifaal, dāam̄maan u-nimbiin nì dipɔɔpindi.

³ Béémaan yii ti-Dindaan di sá Unimbɔti, úǹ di náań-ti ní ki yì-ti. Ti sá u-nibul nì kupicaŋkpuŋu kun u kpàáyee.

⁴ Ní dīmaan u-diiku punyɔmmu kí kɔ́ kí nīn jáaḿ-u, ní kɔ́ u-cindin kí nīn nyɔ́ŋkí-u. Ní nyɔ̄ŋkìmaan-u, ní pàkàmaan u-yindi.

⁵ Di sá yii ti-Dindaan ŋān̄, u-neeŋkpaandi bí kí nīn cá jaanjaan, ní u-baamɔŋyi bí kí nīn cá abin abin.