Psaumes 1 - UNIMBƆTI NYƆƆBUNDI GBƆŊKU

KUGBƆMPEEPEEKAAU ( Ilan 1–41 ) Nsan ŋun cáǹ unil nnaaminee

¹ Unil un kaa fòol̄ binikpitib saŋkii, kaa dìŋfī bikpitiŋaliibi tabɔbiliŋ, kaa tí kpáfí ki kàal̀ nì bibeeliliibee bí mmɔnneeee!

² Ama kun tìì an niliu mmɔnnee di sá ú nīn tɔ́ ti-Dindaan marab, kí nīn kàaǹ-bi ki dàkafī bi-pu ŋwiimpu nì kunyeeu.

³ Udaan bí kii busubu bun yú mbun caŋin, ki lòoǹ ŋyunti ŋun an máaǹ bú lòoǹee ní. Bu-faati pée sɔ̀m̀ ŋma ní. Tin kamaa udaan ŋáańee bútí-u ní.

⁴ Ama an kaa bútí binikpitib míǹ báà fiii. Bíǹ bí kii tifeel tin kubuŋu yòontí ki féeńee ní.

⁵ Unimbɔti làá dāá sòoǹ kí kpɔ̀ binikpitib bɔti, bikpitiŋaliibi kaa dāa cáá mpaan Unimbɔti nib bin sá deedeedambee kansikin.

⁶ Di sá yii ti-Dindaan nyí deedeedambi sàmbiyaamu, ama nsan ŋun binikpitib dèe cáǹ ŋkúmin ní.