Зәбүр 99 - Изге Яҙма

1 Шөкөр мәҙхиәһе.

¹ Шөкөр мәҙхиәһе. Гөрләшеп сәләмлә Раббыны, бар донъя!

² Раббыға ҡыуанып хеҙмәт итегеҙ, Хозурына шатлыҡ йырҙары менән килегеҙ!

³ Белегеҙ, Раббы Ул – Алла. Ул яратты беҙҙе. Беҙ – Уныҡы, Уның халҡы, Уның көтөүендәге ҡуйҙар беҙ.

⁴ Ҡапҡаһынан, рәхмәт уҡый-уҡый, Инегеҙ ихатаһына маҡтай-маҡтай. Ҙурлағыҙ Уны, шөкөр итегеҙ исеменә.

⁵ Раббы игелекле, Уның тоғро мөхәббәте – мәңгелек, Тоғролоғо – быуындан-быуынға күсә.