Зәбүр 25 - Изге Яҙма

1 Дауыттың мәҙхиәһе.

¹ Дауыттың мәҙхиәһе. Хаҡлығымды раҫла минең, Раббы, Сөнки намыҫлы йәшәнем; Һис икеләнеүһеҙ Раббыға ышандым.

² Тикшер мине, Раббы, һынап ҡара! Иретеп паклаған һымаҡ эс-бауырымды таҙала!

³ Һинең тоғро мөхәббәтең күҙ алдымда, Мин Һиңә һәр саҡ тоғромон.

⁴ Алдаҡсы бәндәләр менән ултырманым, Ике йөҙлөләр менән юлдаш булманым.

⁵ Ямандарҙың йыйынына нәфрәт тотам, Залимдар араһына инмәнем.

⁶ Ғәйепһеҙлегемде раҫлап, Ҡулымды йыуырмын, Раббы. Ҡорбан усағыңды уратып йөрөрмөн,

⁷ Яңғыратып шөкөрана ҡылыр, Мөғжизәле эштәреңде һөйләр өсөн.

⁸ Мин яратам, Раббы, торлағыңды, Шөһрәтең төйәкләнгән урынды.

⁹ Мине гонаһлы бәндәләргә, Ҡан түгеүселәргә ҡуша һепереп түкмә.

¹⁰ Уларҙың ҡулдары яуызлыҡ ҡыла, Уң ҡулдары тулы ришүәт уларҙың.

¹¹ Ә мин намыҫлы йәшәйем, Йолоп ал, шәфҡәтле булсы миңә!

¹² Аяҡтарым тигеҙ юлға баҫты. Йыйында Раббыға маҡтау йырлайым.